Min Aung Hlaing nih Myanmar ram president si aduhtuk nak ah a dirhmun fehter ding ah thaizing ah USDP party conference tuah hramthawh asi cang lai,
October 4th, 2022 ah ngeih ding USDP Party General Conference an hman dih ah, ralkap officer lian tampi hna cu pension ter in party lei ah, mawhphurnak lak ding in Sr.Gen.Min Aung Hlaing nih ruahman nak atuah diam cang tiah theih asi, An party headquarters Naypyidaw khuapi ah ngeih ding, General conference ah hin Sr.Gen Min Aung Hlaing nih azum bikbik mi, Ex-Army General rual hna cu Party ah sinak lian taktak sinak cu, an canter dih hna lai tiah theih asi fawn.
Party chairman tuan/si lio U Than Htay le General Secretary Lt Gen Thet Naing Win cu, a cabu ropi (Good Book)-ah an min a lang ti lo cang caah, thim nawlh asi ti lai lo, Cun, Min Aung Hlaing nih amah lei ah tanglo tiah an theih deuh mi hna cu, an Party Central Executive Member zei maw zat hna zong, an idinter cang lai tiah news thawng pang thanh nak ah atu bantuk in an langhter mi asi fawn, ngakchia hna lente celh bantuk in Min Aung Hlaing nih an duh ning in dictator hmang in thil akalpi tawn mi asi.
A tu ah USDP party ah acting Chairman rian tlai lio, U Khin Yee- hi Min Aung Hlaing nih aduh bik mi asi, thla hmasa ah khan Military Council Cabinet Minister a sinak in, an party lei ah mawhphurhnak lak ding in nawl pek mi kha asi, Party Chairman tuan/si lio Than Htay-hi a hman than ding ah aduh ti lo kha asi fawn, a ngandamnak lei tha lo tiah chim in, a dinter cang laik hi asi, An Party Chairman U Than Htay hi 2020 kum thimnak ah khan NLD party tei lo in anrak sungpi ruang ah khan, an duhpi ti lo hrimhrim kha asi cang.
Mah hna hi Business an tuahter mi pawl an si,
October 3 ah hin Lieutenant General 3 cu party lei tuan/sinak ngeih lio mi hna cu, an pension dih hna khi asi, rak zoh hmanh u ni 4 ah ngeih ding USDP party General Conference ah Acting Chairman U Khin Yee-cu Party chairman arak si hrimhrim ko lai, 2023 kum November thla ah Election/thimnak an ngei khawh lai maw? An ngei khawh lo hmanh ah, Sr.Gen Min Aung Hlaing nih USDP chairman hi Myanmar ram hruaitu bik, President rian/sinak cu asiter hrimhrim ko lai tiah zum asi.
A mah Min Aung Hlaing hrimhrim nih hin, Myanmar ram President si khawhnak lam akawl diam, ruahman nak zong atuah diam cang khi asi, USDP General Conference ah hin Myanmar ram hmailei can sau ngai, amah kut chung ah nawl ngeihnak a um khawh peng lai timi hi, thei khawh asi, Min Aung Hlaing nih USDP party General conference an tuah nak ah hin, rampi chung ah miphun tampi le tlangcung miphun hna tiang thlei dannak alanghter ngai ngai pin ah, USDP party chung ah hin an mah kawl miphun long long an um timi hi aho hmanh nih an theih dih ceu ko cu mu?!!!