Minung hmang in sum dawnnak “Human Trafficking” ralrin herh tuk cang Myanmar Nungak 7 hna cu Dubai ah zuar asi hnu ah an chuah than khawh nak kong cu?

Minung hmang in sum dawnnak “Human Trafficking” ralrin herh tuk cang Myanmar Nungak 7 hna cu Dubai ah zuar asi hnu ah an chuah than khawh nak kong cu?

Minung hmang in sum dawnnak “Human Trafficking” hi atu lio ah atam ngai ngai khi asi, kanrak theih tawn bantuk in, minung zuar kong ah hin ralrin awk ngai ngai ding ah theihter ceu hna ding ah, mikip nawl an si fawn, Naite ah khan Myanmar Nu pasarih 7 hna cu, mminung hmang in sum dawng tuah pawl lian ngai pakhat nih cun, Dubai-ah zuar asi hnu ah chanhchuah than an si, nizan September 9 ah khan dam tein Yangon International airport, Myanmar ah anrak phan ter cang khi asi.

Mah Myanmar Nungak pasarih hna hi zuar asinak kong cu, Amin Ma Cathy Myint atimi nih minung hmang in sumdawng tuah tawn mi pakhat nih cun, Dubai-ah lahkhah/salary thatuk hlawh ding ah tiah, riantuan ding bantuk in chim pia kasi hnu ah, mah nungak 7 hna nih ram dang ah tangka tampi hlawh ding cu an duh ve ruang ah, min le ID hna tiang thil tlamtling te in an tuah dih khi asi, mah thil haerh mi tete an tuah lio mi cu akan thlen lai timi hi an ruah bak lo mi asi, Sihmanhselaw thlen asi hnu ah Dubai ah hin zuar asinak kong hi anrak theih ve cauh khi asi.

Dubai-ah hin an zuar hnu ah room hmete chung ah an chiah hna khi asi, ti le rawl zong thathi in an pek lo khi asi fawn, mah hnu longlong ah mah nungak 7 hna nih cun mi sin ah zuar an sinak kong fiangte in anrak theih kha asi, August 26 ah khan harsatnak an ton ning le an lung rethei ning hna cu, social media kaltlang in an harsat ning le minung zat, amin hna tiang FB ah an post hnu long ah, Myanmar Police hna le Dubai-ah um Myanmar Ambassy-ah riantuan mi hna hmalak nak in, chanhchuah anrak si tiah theih asi.

Myanmar ram chung minung tampi hna hi a bik in nu hna hi vawi tampi, Minung hmang in sum dawn nak ah araktuar tawn cang mi hi tampi theih asi tawn cang ko, atu ah hin minung hmang in sum dawn tawn mi, Ma Cathy Myint- hi Yangon, Tamwe Township Poice station-ah FIR pek in case tuah piak an si, Atu ah hin Myanmar Police hna le Dubai Police hna an tuanti nak ruang ah, Ma Cathy Myint-hi August 30 ah khan tlaih asi cang, vawle Interpol Police tuanti hna mi pawl nih cun, Ma Cathy Myint-cu minung hmang in Human Trafficking tuahtu tiang phuang arak sic ang.

Myanmar Police hna nih cun Ma Cathy Myint-he tuanti mi Yangon-ah um mi pahnih Mi Mi-atimi le Ma Shwe Shwe Myint-hna zong talih an sic ang kong report ah langhter asi.