Mizoram Champhai District huam chung ah ralzam a um mi hna cu ID an tuah piak lio asi, atu tiang Champhai Dist chung ah ralzam um zat cu?

Champhai Dist, ralzam hna ID tuah piak lio,

Myanmar ram buainak ruang ah Champhai District chung ah ralzam hna cu felfai deuh in, register asi khawhnak ding ah ID tuah piak lio asi, kan theih ning ah cun Champhai Dist Level Committee on Myanmar Refugees nih, ralzam mi hna cu umzia ngeih deuh in felfai tein record ngeih khawhnak ding ah, ID tuah buaipi ding ah Sub-Headquarters Champhai le Village Level Committee on Myanmar Refugees hna nih an ti ning in atu lio ah an buaipi cuahmah lio tiah thawngthanhnak nih achim, Sub-Hqrs Ralzam Sub-Committee nih February thla chung ah Champhai dist chung ah ralzam hna fel fai tein chinchiah khawh beisei asi.

Mah lio ah hin Myanmar ram chung buainak ruang ah himnak caah arak zam mi an um peng rih tiah, Champhai Sub-Hqrs Ralzam Sub-Committee chinchiah ning in Chamhai district chung ah ralzam minung 8732 an um lio asi, Zokhawthar Police Station huamchung ah ralzam hi tambik asi, minung 4120 an um, Farkawn le Dungtlang Police Station huamchung ah minung 2522 le Champhai khuapi chung ah minung 2360 an lio tiah ruah asi, atu tiang ah hin ralzam hna hi anrak lut chih peng asi, Champhai Sub-Hqrs Ralzam Sub-Committee chairman nih ralzam hna hi umnak hmun thial peng asi ruang ah hin, zeizat dah asi timi hi fiang deuh in kan langhter kho rih lo tiah ati.

Ukraine nih cun raltha ngai in atu hnu ah Russia nih an buai khawh ti lo ding ah thil tuah atim ve cang,

Ukraine ram hi independent an ngah nak asau tuk rih lo nain, ram le hnam raltha ngai mi an sic aah, An mah hna ruang ah vawlei ralpi 3 nak chuak ding bantuk in, West pawl nih boruak an ngeinak zong asi, nain boruak a zia deuh ko cang, West pawl belte nih cun Russia nih lem cang lio asi tiah an puh, Ukrainian President Volodymyr Zelensky nih Thursday ah, Ukraine nih NATO an joint hlan ah Russia maw asi lo ah vawlei dang hna nih an buaiter khawh lo nak ding ah, ‘Referendum’ ngeih an duh, mah hnu ah hin NATO membership an si khawhnak ding cu, Ukraine Constitution ah tel asi khawh laik hi asi, Ukraine nih hin NATO joint ding ah Referendum tiang an pass asi ah cun, Russia nih an buai khawh ti lai lo pin ah Russia duh ning an ngaih pawimawh lo zia, Sovereign States an si nak fiangte in alang ko cang laik hi asi.