MLA Pu.C.Ngun Lian Cung Nih Hi Thil Hi A Tuah Colh.
Lawngtlai thilcang kong ah Magisterial Inquiry dirh in, a mawhphurhtu zuldawi in, an cantawk hremnak pek ding hi a tha ka ti. Ngaihchiatnak tongmi chungkhar sinah hramhnak tangka le Compassionate appointment pek hrimhrim siseh.
C.Ngunliancung MLA (Lawngtlai West) Lawngtlai West bialtu MLA zahkaimi Pu C.Ngunliancung nih a bial chungah Electric current tlaih ruangah thihlohnak ton a si cangka in Chief Minister sinah a herh ningin hmalak sihram seh tiah a phanhpi colh.
Credit : The Lairam Times
Electric Tlaih Ruangah Pu Francis Rocungnung Nunnak Liam.
The Lairam Times : Central Lairam, Lawngtlai, 2022 Sikpar 03 : Nihin zaanlei suimilaam 4:00pm hrawngah Lawngtlai AOC sang ah Electric remh cuahmah lio ah Pu Francis Rocungnung cu Electric nih a tlaih caah a nunnak a liam.
Nihin zaanlei suimilaam 4:00pm hrawng ah Power & Electricity Department, Lawngtlai ah riantuan, Pu Francis Rocungnung, College sang cu AOC sang ah Power line a remh cuahmah lio ah Electric a nun caah Electric nih a tlaih i, District Hospital Lawngtlai panhpi a si hnuah a nunnak a liam.
Pu Francis nihhin Control room lei chawn in Shut-down a lakfel hnuah Electric hi a remh cuahmah lio ah Electric hi a nung.
Pu Francis hi Lairam Isua Krista Baptist Kohhran Mino Bu Zion Unit Assistant Secretary a si i, a nupi le a fale pahnih a kaltak hna.
A ruak hi tuzaan ah Lawngtlai College sang an umnak inn ah khuadei pi a si lai i, thaizing ah an khua Ceural ah tlunpi a si lai.
Lawngtlai Power Division E.E., Pu Laldawngliana nih cun vanchiatnak a tuar cu amah le an Department nih poi an ti ngaingai i, thil umtuning zohfel a si lai i, thildik lo a tuahtu cu amah le a cantawk in hremnak pek a si lai, a ngaihchiatnak kong zong Pu Laldawngliana nih a chim.
Executive Engineer hi Office herhhai ruangah Aizawl ah a um lio a si, thil sining a theih le cangka Lawngtlai lei ah tlun aa thawh colh.
Kan hnuthla ah Lawngtlai pengkomh Rulkual khua ah tlangriantuannak ah Power & Electric Department an bawmhnak hna ah minung 5 Electric nih a tlaih hna i 3 an nunnak a rak liam. c/p
VIDEO https://www.facebook.com/100078409754454/videos/522683933060486
Credit : The Lairam Times