Muidawh min thang Hollywood Film star vawlei cung ah alar tuk mi Nupa karlak tazacuainak ah Depp hi avan tha deuh dirhmun asi,
Muidawh min thang Hollywood Film star vawlei cung ah alar tuk mi Nupa karlak tazacuainak ah Depp hi avan tha deuh dirhmun asi,
Hollywood film star lar tuk ve ve mi, John C. Depp le a nupi hlun, Amber Laura Heard hna karlak buainak ah tazacuai nak tiang aphan mi, John C. Depp hi avan tha deuh ah acing,
Mah mi lar pahnih hi kum 2015 ah khan Nupa si ding in an ithit/ngei khi asi, kum 2017 ah khan an ithen, Kum 2018 December thla ah khan Heard-nih hin vawlei thawngpang News lar ngai mi pakhat, The Washington Post-ah ca arak tial, a pasal min chim lo in, inching ah buainak tuah tawn, nupi kutthlak tawn ah puh asi.
Depp-nih cun mah catial le cathanh ruang ah hin a min arak chiat phah ngai ngai kha asi, tangka an hmuh ding mi tampi asung pin ah, min chiatter nak ruang ah hin, Heard-nih hin US dollar 50 million a liam lai tiin Taza arak cuai ve bak kha asi, Heard zong athin hung ngai ve in, a pasal nih Lih a chim tawn (liar) bantuk a puh ruang ah, US dollar 100 million liamter ve ding ah tazacuainak ca cu court ah arak pek ve fawn, Mah pahnih thawng pang nih hin vawlei aden bak ko kha asi, mi lar veve an si fawn tik ah Media hna zong nih anrak ngaih ven ngai ngai khi asi.
An mui dawh veve asi fawn, mah an karlak buainak cu, Aprill 11, 2022 ah khan Fairfax County, Virginia-ah an kong cu ceihnak hram thawh asi, court-ah an pahnih in an kal ve peng hna khi asi, June1, 2020 ah khan khawkhan laireltu hna nih cun, mah an buainak hi ceih fel piak arak si, Johny Depp-nih hin compensatory damage caah $10m (£8m) le punitive damage caah $5m a ngah ding asi, Amber Heard-nih hin compensatory damage caah $2m a ngah ve ding asi, tiin court nih an remh piak mi asi.
Johnny Depp-nih min chiatternak man ah US $50 million liamter an duh lio ah, $15 million an ngah khi asi, A nupi hlun, Heard-nih US dollar 100 million liamter an duh lio ah, $ 2 million a ngah ve fwan khi asi, Compensatory damage timi cu buainak case submit luhtertu nih, a min chiat ruang ah tangka lak luh ding asung mi cover ding ah asi, Punitive damage timi cu buainak case submit tu nih court-ah tazacuai mi, Amber Heard-nih a thil tuah ṭha lo ngai mi hi an tuah ti lo nak hnga buainak case submit tu sin ah tangka a pek ding asi lai.
Mah Mi lar pahnih hna hi celebrity an si, Celebrity timi holhka phen ah hin, celebrity hna hi anrak rum ngai ngai timi hi alang fiang ngai ko, mah bantuk milar hna hi an mui adawh fawn, celebrity ah an tling ngai ngai fawn, timi hi mah pahnih nih fiang ngai in vawleipi hmai ah atu bantuk in anrak langhter mi asi.