Myanmar ralzam hna caah thil zuarnak dawr tuah sianh piak asi lo tiah theih asi,
Myanmar ralzam hna caah thil zuarnak dawr tuah sianh piak asi lo tiah theih asi,
8th September, 2022 (MSR) : Myanmar ram chung buainak ruang ah, Farkawn ah um mi ralzam hna nih thil tete zuarnak dawr an tuah mi cu, Farkawn Dawr ngei Association hna nawlnak bantuk in, zei bantuk dawr hmanh tuahter sianh asi lo tiah news report ah langhter asi, Farkawn lei in thawng pang kan theih ning in, Atu dirhmun ah Farkawn ah hin ralzam dawr ngei pariat 8 an um lio tiah theih asi.
Mah ralzam dawr tuah mi hna hi ei/chawm thil, Hnipuan, bike part dawr, petrol zuar, lu/sammehnak dawr le dawr leng ah thil zuar hna an si, atu bantuk in ralzam hna nih dawr an tuah ruang ah hin, khuachung dawr ngei hna thil man rate kong ah, harsatnak an ngei pin ah dawr an tuah hnu ah hin, Ritthai si/drug atam phah tiin an theih, mahruang ah Farkawn Dawr ngei Association hna nih cun, Village Level Committee on Myanmar Refugee sin ah, Farkawn khuachung ah myanmar ralzam hna nih, dawr an tuah mi cu sianh piak tilo ding in ca tial an pek tiah theih asi.
Village Level Committee on Myanmar Refugee nih cun Dawr ngei Association hna nih, ca an pek mi cu, ceih asi hnu ah, Farkawn khuachung ah ralzam hna nih dawr an tuah mi cu, Zatlang nun himnak caah atha lo ngai mi thil asi tiah theih in, VC hna hruainak in khuachung ah Bu/pawl dang dang hna ruahnak la kasi fawn, Cu Bu/Pawl dang dang hna ruahnak cu, Nikhat zan ah khan VC hruainak in Fiara-tui Run ah ceihti hna an si tiah theih asi.
Atu dirhmun ah hin Farkawn khuachung ah ralzam hna nih dawr an tuah mi cu, zatlang mipi hna caah himnak ding ruah a herh pin ah, mi tampi nun a him lo tiah ruahnak ngei in, Ralzam hna hi dawr tuah lo hi atha lai tiin, dawr tuah ti lo ding ah biachahnak an ngei tiah report ah langhter asi, atu ah dawr thilri an zuar mi hi thla khat chung in, zuar dih khawh ding in theihter siselaw tiah an ti, Ralzam hna zohkhenh peng ding le ithuthruainak ding zong, Village Level Committee on Myanmar Refugee kut ah um ding in an ti fawn.
Atu dirhmun ah hin Farkawn ah hin ralzam chungkhar 178 um in, minung 883 hrawng an um lio khi asi, Primary in Higher Secondary School tiang cacawn lio mi ngakchia minung 230 an um lio fawn tiah thawng pang report nak nih atu bantuk in alanghter mi asi.