Myanmar ram hi Economic dirhmun ah achiatuk hringhran cang mangtam atlung lai tiah world bank report nih ati,

World Bank nih kum chiar in an tuah tawn mi, World Economic Report ah Myanmar ram  Burma ram hi tukum ah langhter asi ti lai lo, an list zong ah telrih ti lo ding in tiah theih asi,Global Economic Prospects report nih a tarlan ning ah, Myanmar ram cu East Asia le Pacific  circle chung ram 20 umnak, economic developments list  chung hmanh in an langhter ti lo achan cu, Burma ram umtu ning hi zei hmanh chim khawh asi lo, data report hna zong hmuh khawh ding in a um lo fawn, an dir hmun hi zei tluk in dah achiat timi hi alang ngai ngai ko, atu bantuk asi ah cun Myanmar ram chung mangtam phan ding anai anai tuk cang tina kasi tiah Analysts hna zong nih an hmuh ning asi.

World Bank nih hin kum khat ah vawihnih a chuah tawn mi, bi-annual report on global economic prospects nih ram chung Economic dirhmun hi kum 2 chung thwang pang hi arak langhter tawn khi asi, NLD acoyah lio term donghnak lei 2020 kum dongh lei ah khan, Burma economic dirhmun hi 2023 ah cun asang ngai ko lai tiah report ah lang mi kha asi, Atu dirhmun ah cun ramchung buainak le harsatnak faktuk in atu tiang asi rih ko caah, Military Council nih Economic data diktak langhternak cu world bank nawl ngeitu hna sin ah apek khawh fawn lo ruang ah, 2024 tiang World Bank nih cun Burma ram Economic lei dirhmun hi chimthiam har ngai dirhmun ah adir bak ko cang khi asi.

An report hmahnung bik ah cun Myanmar’s economic growth rate cu September tiang 1% long asi, kumdang ruah ah cun Economics lei ah 18% hrawng in aniam cang, mahr uang ah ram chung ah thil man asang pin ah Exchange rate aniamtuk khi asi fawn cang, Mipi eikawlnak thathi in angei ti lo, Office department ah riantuan taktaknak a um fawn ti lo, t u hlan ah ram pumpi Office riantuan staffs hi a um tuk ti lo 25% hrawng long hi ram pumpi ah Office riantuan ngeih khi asi cang fawn tik ah, ram chung Economic nih atuar lo awk tha lo bak dirhmun khi asi, US Dollar hman kong ah tangka thlennak lei ah mipi nih ningcang te in tuah khawh asi fawn ti lo, Military Council tawlrelnak tang ah zei hmanh, zalong tein tuah khawh mi a um fawn lo khi asi.

Ram chung thil ram dang ah kuat le lak cawlcangnak a um ti lo, Oil le Gas man China le Russia sin in an hmuh mi longte cu Myanmar Income asi ko, Private sumdawng pawl zong ralhrang pawl controlnak tang ah zei hmanh tuah khawhnak ngei lo in an um cang fawn, mah hna vialte ruang ah cun ram chung Economic nih achiatpi lo awk tha lo bak dirhmun chiatuk level ah aphan deng mang cang khi asi cang tiah mithiam thil tuaktan thiam mi hna nih an hmuh ning le an tuaktan ning zong arak si, atu ah hin thil man hi asangtuk cang khi asi, Myanmar ram economic dirhmun cu athatnak lei si lo in achiatnak le aniamnak lei peng hi asi ko, ralhrang pawl nih zei hmanh thiamnak angei fawn lo Uico nak in Uico hrut an si ko cang e.