Na muisam hi theih peng ka duh! Mah bia halnak hi Ngakchia pate nih mirum pa achawnhnak bia roling asi?

Na muisam hi theih peng ka duh! Mah bia halnak hi Ngakchia pate nih mirum pa achawnhnak bia roling asi?

Na muisam hi theih peng ka duh! Vanram ah kan hmuh can ah cun ka theih peng khawh ai-i lawmnak bia ka chim than khawh nak ding ah asi!

Telephone hmang in radio bia phuangtu nih millionaire pakhat a kawmnak ah bia halnak cu?

Na nunnak chung ah hin zei thil hi dah nalung nuamter bik cu??

Millionaire pa nih alehnak cu:- Ka minung nunnak ah lawm/nuamnak phun li ka tong, adonghnak bik ah lawmnak umzia katheihthiam khawh tiin!

Phunkhat nak ah cun rumnak long kakawl mi asi, ka duh bik lawm/nuamnak belte cu ka hmu lo.

Phun hnih nak ah cun thilri hmanrua aman fak mi long te le tha taktak mi ka ngeih khawh, asi nain, ka lawm/nuamnak chung hi arau lo ngai adai cawlh ko, can tawite chung long asi.

Phun thumnak ah cun, project lian tak tak mi ka tuah, football team hna ka ngei, tourist resort hna kacawk, nain ka saduhthah ning karak ruah bantuk asi lem lo, lwam/nuamnak ka hmuh lai tiah ka ruah bantuk zei hmanh lawm nak le nuamh nak ka hmu thlei lo.

Phunli nak ah cun, ka hawipa nih ngakchia kut le ke tha lo mi hna caah, wheelchair cawk piak ding in akan nawl khi asi, Ka hawipa nawlnak bantuk in, wheelchair cu tampi ka cawk, ka hawipa nih amah he kal in, amah hrimhrim nih pek ding in akan ti caah, ka hawipa he cun pek ding in kan va kal hna khi asi, Kei mah kut bak in wheelchair hna cu, ngakchia hna cu kan va pek hna, mah lio ah ngakchia hna an ilawm ning cu, an muisam ah hin alang mi karak hmu chuak khi asi.

Wheelchair-ah cun an thu hna, lawmnak le an inuamhnak cu hmuh nuam ngai khi an si hna, wheelchair in an duh duh nak ah nuam ngai ngai in an kal khawh hna, Picnic-nak hmun ah phan bantuk in an ilawm nak cu, asi in ka theih, mah hnu ah cu ka tlun tak cang lai ka ti lio ah, lawmnak in kakhat ko, mah lio ah cun ngakchia pakhat nih hin, ka ke ah akan tlaih duhsa tein kal katim nain, mah ngakchia pa te nih cun bia taktein akan zoh, ka ke cu fek ngai in aka tlaih fawn, niamte in kakun-I, ngakchia sin ah cun thil herh mi dang na ngei maw? Tiin ka halMah ngakchia pa te nih cun tihin aka ti! Namuisam hi theih peng ka duh! Vanram ah ka hmun can ah cun ka theih peng lai-I, lawmnak bia ka chim than khawhnak hnga tiin aka chim khi asi.

Minung sining ah siseh, Pathian min in siseh, mi dang thilk an pek mi nih hin, minung hi lawmnak le nuamhnak apetu bak asi timi hi mah ngakchia tete hna thil pek ruang ah achuak mi lawmnak/nuamhnak hi minung caah “Bia Pi Bik” nunnuamtertu asi timi hi karak char chuak asi tiah mirum pa nih ati, Misin in ngahnak si lo in mi kan peknak nih hin minung hi lunglawmhnak apetu bik arak si. Gilead Thinghnai sii ah arak cang.