National Unity Government NUG le Ethnic Arm forces EAOs hna nih Myanmar ram chung 100% ah 52% control cang tiah anti,

September 9, 2022September 9, 2022 Pu Tawn Mang

NUG le Ethnic Arm forces combines hna nih Myanmar ram chung hmun dang dang ah 52% an nawl tang ah control khawh cang ruang ah, NUG hi Myanmar Official acoyah asi khawh cang tiah theihpi in pawm aher cang tiin, Special Advisory Council for Myanmar (SAC-M) nih achim, mah Survey ah hin SAC (ralkap), NUG le EAOs hna nih Territory control cang mi hna cu fiangte in langhter asi cang ati, Myanmar ram system thar muisam cu hmuh khawh asicang hi, vawlei pumpi nih hin an theih ding ah, NUG hi ralhrang doh le ram leng ah dir sawhsawh mi acoyah asi lo, NUG hi Myanmar ram pumpi mipi le ralhrang nawlngeihnak duh lo in dohtu hna aiawh in adir mi official acoyah asi tiah an ti fawn.

NUG le Ethnic armed forces (EAOs) hna nawlngeihnak tang ah um mi, Territories hmun hi 52% a si lio ah, Min Aung Hlaing ralkap hna nih control mi hmun hi 17% a si, A dang 23% hi SAC le mipi ralkap/ EAOs hna acuh lio mi territories hna an si, Myanmar ram pum ah hin khuapi (township) 330 um mi chung ah, 93 long hi Military hna control nak ah um mi asi, 93 chung ah 21 cu ralhrang tuanpi tu hna, Pyi Thuh Sit/mipi ralkap an ti mi, mipi chung in ralhrang support tu hna nawl tang ah um mi an si tiah an ti.

Mah ah hin thil fiang mi cu, Myanmar Revolution hi mipi hna nih fiang ngai ngai in teinak an hmuh/ngah timi hi afiang ko, NUG hi vawlei ram dang dang hna nih hin, Myanmar Official acoyah si ding in phuan zawk zawk aherh cang tiin, Special Advisory Council for Myanmar nih September 5 ah khan a chim, vawlei ram dang dang hna nih NUG hi acoyah dik asi tiah pawm ding in SAC-M nih nawlnak atuah, UN Special Advisory Council for Myanmar SAC-M nih cun, National Unity Government (NUG) acoyah nih hin, Myanmar ram (Territory) hmun tam deuh ah Military Council ralhrang hna, doh ding ah dir, Peoples Defence Forces / Ethnic Armed Organisations hna nih khuachung ah uknak le zatlang nun ah nawl ken khawh asi cang lai tiah ati.

NUG cu official in vawlei acpyah dang dang hna nih acoyah dik asi nak (Legitimate Government) caah, pawm piak ding in cathanh (Statement) an tuah khi asi, Special Advisory Council for Myanmar (SAC-M) hi, human rights lei ah a hmang tawn hna an si, UN Official ah rak tuan cang mi hna an tel khawmnak pawl an si, An cathanhnak ah hin Myanmar ram kong ah report pakhat “Effective Control in Myanmar “timi a tel fawn, United Nations (Special Representative for Human Rights) rian araktu7an cang mi, Ms. Yang Heli hi SAC-M team-ah hin hruaitu bi kasi, NUG acoyah hi upadi dik le mipi aiawh ah dir, Legitimate government asi, Ralzam acoyah asi lo ati, (NUG is not a parallel government, nor is it a distant government).

NUG hi upadi ning tein acoyah asi lio ah, Burma Military Council acoyah cu hriamnam le hmanrua dang kentu asi pin ah, mipi nawlngeihnak chuh piaktu ralhrang (Terrorist) dik tak an si, SAC-M nih cathanh an tuah mi ah cun, ramchung khawkhan lairelnak (public administration) tampi cu mipi ralkap le Ethnic hriam tlai pawl hna nih ram chung hmun 52% hrawng- control khawh asi cang, Special Advisory Council for Myanmar (SAC-M) UN lei ah Myanmar ram aiawh (Permanent Representative) thim ding ah ralhrang le NUG acoyah aiawh ding ah thil afiangtertu zong asi cang ko lai tiah an zumh, Atu ah UN committee nih zeihmanh biachahnak an ngei rih lo khi asi, National Unity Government (NUG) aiawh U Kyaw Moe Tun hi, UN General Assembly-ah vote thlak khawhrih lo hmanh ah, Myanmar Ambassador to the United Nations asi pengrih ko.

Ref#RFA#