Nihin ni tiang Matupi CDF Miphun le Ram caah nunnak a pek cang mi cu New Delhi ah Upat peknak program tuah in amin le hmanthlak hna record le phozar piak asi,
Mah program tuah ding ah hin mi cheu khat zuamnak thawng in atubantuk in Miphun le ram caah nunnak pek in hralhrang kut ah athi cang mi hna, Upat peknak le philh khawh ti lo ding ah Documentary record ngeihnak tuah asi.
Matupi CDF rawl a pektawntu Salai Le Nang kum 13 te long asi rih mi zong nih nunnak a pek ve khi asi, Mr, Le Nang kum 13 asi rih mi hi ralhrang pawl nih an hruai hnu ah ap asi mi U Joseph nih ka fapa arak tlung than te lai tiin nithum chung an hngah khi asi, a fapa Mr Le Nang cu arak tlung lo tik ah mi dang hna cu khua chuah tak in an zam dih hna khi asi, U Joseph zong cu CDF hna nih aran khawhnak chung in vat li cang nehnu ah thawng kanrak thanh te lai tiin, India ramri laei ah ava tli kha asi, lam lak ah a um lio ah a fapa athgi cangnak thawngpang an vathanh piak khi asi, lung fak lo awk tha lo ngai ngai ceu asi, atu ah apa zong Mizoram ah lung nuam lo ngai ngai in aphan ve ko cang.
Cun atu tiang Matupi in miphun le ram caah nunnak a pek cang mi hna cu:-
Sl.N0, An Min/Names -Thih ni,
- Salai Mr, San Thar -23.01.2022
- Salai Mr Tui Dim -07.01.2022
- Salai Mr, Le Nang -07.01.2022
- Salai Mr, La Rhing -07.01.2022
- Salai Mr, Steven -07.01.2022
- Salai Mr, Thak Lung -07.01.2022
- Salai Mr, Lian Ngai -07.01.2022
- Salai Mr, Peng Sang -18.01.2022
- Salai Mr, Tin San -07.01.2022
- Salai Mr, Pupa Sali -07.01.2022
- Salai Mr, Ze Caet Aung -07.01.2022
- Salai Mr, Van Theo -07.01.2022
- Salai Mr, Thang Awm -14.01.2022
Mah chung ah hin N0-1 asi mi Salai Mr, San Thar hi, Delh Univercity in BBA graduated cang mi asi, miphun le ram kilh ven ding ah tiah khua lei ah kir in miphun ralkap rian arak tuan mi asi, ram caah nunnak a pek cawlh mi hi atuantuk rih kan ti ceu ko nain, ti khawh kan ngei lo, sianh lo bu in akan kal tak thiamthiam ko cang cu mu! Apoi ngai ti pin ah chim ding dang a um lo, amah hi pa fel ngai mi asi, tlangval asi ko nain zu/din sa ei tibantuk hna hi atong bal lo mi asi, Group N0-2, ah Leader Captain dirhmun ah rian atuan cuah mah lio ah atu bantuk in nunnak tuantuk in a pek mi khi asi, apoi bak ko, RIP.\
Salai Mr, Tui Dim hi cu kanrak theih ceu cang bantuk in akong tampi ka tial ti lai lo, amah zong hi Matupi CDF caah cun kan sianh lo ngai ngai nain akan kal tak thiamthiam khi asi apoi bak ko, RIP.
Salai Mr, Steve zong hi tlangval Nupi ngeih lio te asi, chungkhar tha tein kalpi atim cuahmah lio ah atu bantuk in miphun caah nun nak a pek khi asi, a poi bak ko, RIP.
Salai Mr Thang Awm hi media lei zong watana ngai mi pakhat asi ve, akalnak kip ah Video Camera hi aken peng tawn khi asi, cuticun miphun caah rian atuan cuahmah lio ah ralhrang Sniper nih vanchiat in arak fuh ruang ah atu bantuk in nunnak arak pek khi asi, a poi ngai, RIP.
A dang hna kong lam cu chim tam ka tim ti lai lo, sualnak angei lo mi zei maw zat hna hi, ralhrang pawl nih saram thah bantuk in akan thah piak kong lung fak lo awk tha lo khi asi, amah belte cu kan pasal tha hna thisen man hi ni khat can khat ah kan ram le miphun nih aman an ngah te lai tihi, kan ihngahnak um chun asi ko caah, atang mi kan pasal tha CDF hna hi kan umnak kip in thlacam tha zang, sawva tha zang, minung tha zang tiang le khawika zawn ah dah san tlainak na ngei? Mah le san tlainak zawn ceo ah kan pasal tha hna hi bawm ceo ding ah fawrhnak bia ahnu bik ah ka van langhter duh mi asi.