Nihin thawngpang thar Chin ram thlanglei Matupi peng ah idohnak afak chinchin cang Pitar/Putar zong um ngam tilo, lam hruai piak ding ah an tlaih mi hna zong an thah diam apoituk hringhran?

Atulio ah hin Chinram thlanglei Matupi peng chung ah 5.01.2022 thawk in CDF Matupi le ralhrang idohnak cu azual chinchin cang khi asi, mah long si lo in zeihmanh sualnak angei lo mi hna cu lam hruai piaktu ah an tlaih mi hna zong atu ah hin kan khua ah phan ti lo in ram tang ah an thah diam hna cang tiah CDF Matupi nih atu bantuk in an thanh mi asi, minung 9 an tlaih chung ah pa 2 hna ruak cu ram lak ah hmuh asi pin ah adang 7 hna zong an thah dih thiamthiam tiin news report nih alanghter mi asi,  aruang cu zeihmanh thawng theihnak a um ti lo, meithal kah thawng cu theih asi ko caah an thah timi cu afiang ko lai tiah news report ah thanh asi.

Mah an tlaih mi hna cu Bawithia khua mi minung 2, Ki Thlueng khua mi 2, Kace khua mi 1, Cuna dang hna hi Ngaleng khua mi hna an si tiah theih asi, an thah cang mi 2 hna cu hmuh asi ko cang nain, adang hna ruak hi cu hmuh rih asi lo, mah an tlaih mi hna hi kum 40 le 60 karlak hrawng an si tiah thei asi, mah thawng pang kong he peh tlai in Military lei nih zeihmanh thawngpang an chuah rih lo khi asi, RFA media nih cun Ralhrang Bawi Kyaw Min Htun contact tuah khawh ding ah zuam lio asi.

Matupi base ah um mi ralhrang No-140 hna he Jan 5 in CDF Matupi he idoh hramthawh asi cang, ralhrang pawl hi minung 100 hrawng an si tiah thei CDF lei nih an chim mi asi, mah idohnak ruang ah hin Ngaleng, Kace, Tibaw, Ki Thlueng khua chung minung 1000 leng hna hi sahimnak ding ah an zam dih cang tiah theih asi fawn cang.

Cun atu ah hin idoh kahnak adih bak rih lo khi asi, Ki Thlueng, Kace, Tibaw khua chung ah um mi tete hna zong India lei ah nunhimnak kawl ding in ke bak in an kal cuahmah hna cang khi asi, zangfak taktak khi an si, aruang cu hruaitu an ngei hna lo, cu pin ah nu nau taktak hna an si, tlangval le thazang angei deuh mi hna cu CDF ah lut in ralhrang an doh hna, cheu khat a um chun tete hna cu lam hruitu ding ah tlaih an si fawn tik ah acawlcang kho taktak mi minung an um tilo khi asi, apoi taktak ko cang khua an chuah tak dih hnu ah khua chung ah um mi facang le thilri tampi hna cu ralhrang pawl ta khi asi ko cang cu mu!