Nu pakhat cu an Exam caminpuai pass nak cu mi pakhat nih fir piak in University an dih hnu long ah theih asi amak ngai ko zeitin dah an fir piak khawh?

Nu pakhat cu an Exam caminpuai pass nak cu mi pakhat nih fir piak in University an dih hnu long ah theih asi amak ngai ko zeitin dah an fir piak khawh?

Mah thil hi China ram ah thil cang mi asi, Ka Ka Oo an timi college luhnak Exam cu, minung 10 million nih an phi khi asi, mah caminpuai phi mi hna cu thin phan he ka pass lai maw ka sung lai tiin, an um lio ah an mah Data fir piak asi mi cu, ahnu pi long ah thei arak si.

Nu pakhat San Sweyi cu mi sifak chungkhar in caminpuai aphi ve mi asi, mah camin puai cu adam chung eikawlnak ca le Nu le pa cawmnak ding ah anu le pa nih ngeih chun te in Siangin akalter mi khi asi kaw ruah lopi in, acung ah thil phan mi cu zangfak tuk ding khi asi.

Camin puai aphinak result arak chuah ah cun amin atel ve ti lo caah ka pass lo asi ko lai hi tiah ruahnak angei, zei asi zong ah Siangin kaithan ding ah tangka angei tilo, factory hna le aremremnak ah rian tuan in can anrak hmang, kum 16 arauh hnu ah amin in Sandwin Univercity ah kai khawh timi thawng arak theih khi asi.

Mah degree alatu nu cu San Sweyi si lo in San Sweyi min in degree alak mitu khi arak si, mah hnu longlong ah media hna nih arak langhter ning ah cun, mah Sandwin Dist chung in 2002 in 2009 tiang mi min le Data fir in minung 242 chung ah cun San Sweyi zong arak itel ve khi asi apoi bak ko.

San Sweyi family thawng pang cu naite zar ah khan China ram chung ah khuaruah har ngai in arak thang cemceu mi cu, mipi lungthin akekkuaiter ti awk khi asi, aruang cu San Sweyi chungkhar rethei sifak fanu cu fimthiam cawnnak ah amah long te bohchan ding um chunte arak si tik ah, mipi lungthin atongh bak ko.

San Sweyi hi pass nak result ahmuh lo tik ah cun khua chung ah rian hna tuan in a um lio ah, kum upa lei hna caah cawnnak phun ah min kapek ve ko lai tiin form pakhat arak phih ve, mah form an phih ve, an min le Data vialte hna phih dih in Office ah submit atuah lai ah, Acozah Website pakhat ah amah min he mi pakhat cu 2004 ah kai in 2007 ah degree an ngah mi cu arak hmuh khi asi.

San Sweyi min le Data hna, Exam pass nak cu, mi dang nih fir piak in University ah degree anrak ngah nak cu asi, mah thil cang mi hi investigation tuah ding in Media hna ah langhter asi, thil sualtuahtu hna hi aho tedah sihnga? Timi hi athuk ngai ko lai tiin News report nih cun alanghter ko.

San Sweyi Data hna fir piak tu amin cu San Yan Pin asi, atu tiang mi nih an theih ning cu San Sweyi tiin an theih tiah media ah langhter asi, cu caah cun mah nu cu Acozah nih rian phuah asi pin ah Degree ngahnak Certificate zong cuh/lak piak an si lai tiin News report nih alanghter ko.

Mah thil cang mi le thil sual tuahtu hna taktak hi aho tedah an si timi cu hlatthlainak tuah cuahmah asi, hmai lei ah thil sualtuah tu hna cu theih than asi te lai tiah news report nih atu bantuk in anrak langhter mi asi amak ngai ko, mah bantuk thil cang mi hi Teacher hna le result checking tuahtu hna nih thil an tuah mi asi caah, an theih ah cun dam chung thawng tlak khawh asi lai tiah an ti.

Ref:BBC