Ram le miphun adamnak ca ding ah tiin Nungak V.Lalsangzuali (Masangi) cu rawl ulh thlacam angeihnak ni 67 nak ah anunnak aliam (History aser bak ko)

Nula V. Lalsangzuali (Masangi) kum 50. D/o V. Vankeuva (L) Ramthar, Lunglei.
cu Ni 67 chung rawl ulh thlacam ngeih in can arak hmang mi asi, Amah hi Zunthlum zawtnak ngei deuh asi fawn caah, A tak sa nih a tlin ti lo khi asi, Nizan mui deng mang cang ah kahn, Civil Hospital ah chiah asi, Tu zing suimilam 4:00am hrawng ah khan anun nak nih acelh ti lo caah atu bantuk anunnak aliam khi asi tiah thei asi.

Thlacamnak “Biapi bik cu” kan ram chiatnak le zawtnak hrik ruang ah mi tampi nih an tuar mi hna le kan ram adam than nak ding ah tiah, ram ca bak ah nun pek martar arak si, tu hlan ah amah hi Thalai Kristian Pawl TKP, Young Mizo Association YMA hna ah hruaitu zong aram si tawn cang mi asi, social work lei le church ah mi san tlai ngai ngai mi zong arak si tiah thei asi.


Kan ram le miphun caah Pathian hmaika ah khup bil in thlacam uartuk mi asi timi hi asi, ram le miphun caah rawl ulh thlacam ah Martar asi mi cu, zoh chun awk tlak le ram le miphun nih damnak ngei hramhram ding in le amah ruang ah mi tampi nih nun thar ngei khawh beisei asi.

Mi cheukaht hna cu ram tang ah hriamnam keng in ram le miphun caah, an tuanve cuahmah lio ah atu ah mah Nungak Mizoram Lunglei ah um mi, V. Lalsangzuali (Masangi) kum 50 cu, rawl ulh thlacamnak ngeih in, ni 67 nak ah cun an taksa nih celh tilo in anunnak aliam khi arak si.