Rohingya pawl  kirter than ding ah Military council ralkap nih khua 15-ah um ding ah tuaktan cang,

March 2023 Bangladesh-ah ralzam Rohingya pawl hna caah, Military council ralkap nih, Rakhine State, Maungtaw (Mawng Taw) township, thlanglei khua 15-ah hmun 75-hna ah umnak ding tuah asi tiin, March 23 ah khan an cathanhnak ah tarlan asi, Hi Rohingya kirter ding hna hi Taung Pyu Let Wai le Nga Phu Yah camp-ah an chiah lai, Hla Phu Khong camp-ah thla 2 chung an chiah rih lai tiah theih asi.

Mah hnu ah cun an umnak ding an tuah mi ah um ter asi lai tiah report ah tarlan asi, Hi an umnak ding hmun hma hna hi a herh ning in, hma lak peng asi lai Rakhine State-ah Military council minister U Thain Lin nih cun a chim, Rohingya pawl kirnak ding kong ah hin, Rakhine State-ah Military council immigration minister U Myo Aung- hruainak in, NGO,s bu 17 hna nih March 17 ah khan Bangladesh-ah phan in, an umtu ning hna hlatthlai asi cang tiah tarlan asi.

An thil hmuh ning bantuk in minung 5,000 leng le chungkhar 1,500 leng hna cu kirter than in zohkhen khawh asi lai tiin, Military council cathanh nak ah langhter asi, Military council nih kir than ding ah tuaktannak hi ram dang dang hna hmai ka ah, thiamco duhnak ruang men men asi tiah, Bangladesh, Cossack bazaar-ah um Rohingya ifuntom Bu hruaitu, Director Ko Khin Maung nih a chim.

A tu ah Military council hna nih akan auh-nak chan hi thil umtu ning hrimhrim asi, an ti tak tak lai maw? Theih asirih lo tiah ati, Kir ko ning law ram chung mi sinak le riantuannak ding hna akan kawl piak lai maw? Cu caah ram dang hna hmaika ah mit hmai dawh langhternak duh ruang ah an timi asi khawh? Tiin a chim, Mi sifak rethei bawmtu pawl UNHCR nih cun Myanmar-ah Rohingya hna kirter than ding ah an ruahman ko hmanh ah, kum sau adaih lai lo tiah report ah tarlan asi.

#Khit Thit Media#