Salai Lungthli Tum Nih Zenhnak A Pel Te Hmanh Nei Loin Hi Bia Bak Hi A Van Chim Than Cang.

‘Hakha le Thantlang um Kawl ralkap vialte khi thah dih kho hmanh u sihlaw Kawlrawn le hmundang ah biatak tein an doh ve lo ahcun san a tlai hnga lo, an kut hngete(little finger) a kiak bantuk menmen a si hnga.

Mino nunnak a him ding kha biapi cem ah chiah a hau. Kan tei deng cang tbk a dik lomi ruahchannak false hope pek ding a si lo, false hope kan pek hna ruang ah mino tam tuk an nunnak a liam cang’ tiah Salai Tialbawiling nih Vaurawng le GCC biaruahnak ah a chim.

A bia a ngaitu Vaurawng team le an fans pawl nih ‘a hman bak, na bia hlonh awk um bak lo ee, nangmah lawng minung na si, miphun na dawt bak’ tiah an thangthat. Vaurawng upa khi ‘kan tei dengmang cang’ tiah a chim biktu an si than hoi. Mah til cumh kan hluan.

Mang bangza a simi cu Salai Tialbawiling chimmi bia vialte khi kei nih kum 3 deng ka rak aupi cangmi a si. Kan chimmi a point ai dang bak lo. Kei ka chim lio ah cun ‘dalan na si ee, Zo zer le zawngzer ee, MAH na tanh ee, thachiatnak lawngte na chim ee, miphun na rawi ee, LTT thah khawh ahcun mah zat $dollar kan in pek hna lai ee’ tiin an ka thuat. A mak rori ka ti.

Sehtan hmanh khi ‘a sual bak’ tiin tial ninglaw ‘LTT nih sehtan a doh ee, miphun a rawi a si, dalan a si timi a fiang bak cang’ tiin Vaurawng ah tlang an au hoi te ko men lai.

Credit : Salai Lungthli Tum

SAC Ralkap Sakhan Hmun 5 cu KNLA le Ṭangṭi Phu Hna Nih An Laak

The Chin Post 8 June 2023June 6 Zing suimilam 4:00 in 7:00 kar ah KNLA le tangti phu hna nih KNU Kaw Htoo Lei hmunram, Mu khuakomh le Leido khuakomh chung um SAC ralkap umhmun khuarnak sakhan 5 cu an laak i, an hrawh dih lengah SAC ralkap eidin phorhnak hlei 3 zong an hrawh, tiah KNU nih an thanh.

KNLA nih an laakmi SAC ralkap sakhan 5 hna cu Yedwinkung sentari hngahnak sakhan, Nattankwin Palek sakhan, Kunchaungwah nichuahlei BGF sakhan le Tadaw sakhan hna an si i, an hrawh mi hlei 3 cu Nattankwin hlei, Ungnyepyin le Nwaypyin kar hlei, Htarsi le Htarsung hlei hna an si.

Kahdohnak ah hin SAC ralkap in 40 an thih pin ah 12 hliam an tuar, KNLA lei in minung 4 an nunnak a liam i, 13 an i hliam. KNLA tangti phu hna nih hriamnam zeimawzat le phaisa zong an laak, tiah KNU nih cun an thanh.

KNLA le tangti phu hna cu SAC Sakhan an lak lio ah Jet Fighter in voi 3, raltuknak helicopter in voi 6 a kah hna lengah SAC ralkap nih Sittaung tiva nitlaklei in nichuahlei khua hna ah hriamngan pehtlaih in an kah.
Hriamngan kahnak ruangah KNU Leido khuakomh in khuate 6 le KNU Mu khuakomh, khuate 5 in minung 4508 cu ralhrial in an zaam hna.

June 7 zing suimilam 8:15 i an hrawhmi Nattankwin hlei le Palek sakhan ah a rak phan ṭhanmi SAC ralkap hna nih, Nattankwin um khuami a zaam lomi pawl cu hramhram in an ṭhialter hna, tiah Karen National Union nih cun anmah facebook page ah an taar.

Credit : The Chin Post