Siangngakchia minung 13 bak tlaihhrem asi mah chung ah 8 nih fa apuaiter hnu ah An Saya pa cu tlaih asi aturu ko,

Indonesia ram Islamic boarding school ah tuan mi School Siangngakchia cawnpiaktu Saya pakhat Mr Herry Wirawan nih an cawnpiak mi Nungak notete hna, minung 13 cu arak sualpi tawn/tlaihhrem khi asi, mah chung ah cun Nungak note 8 hna nih cun fa anrak puai khi asi, mahr uang ah cun mah school cawnpiaktu Saya cu an kong ceih asi hnu ah thi ding ah biachahnak tuah pia kasi tiah theih asi.

Mr Herry Wirawan nih hin 2016 le 2021 karlak ah khan an cawnpiak mi Siangngakchia Nungak notete hna cu, Camin puai Aung/pass ter nasi lai tiin Nupa sinak anrak hman pi tawn khi asi, mah an tlaihhrem mi hna hi kum 12 le kum 16 karlak hrawng ah upa longte an si, February thla ah khan Bandung court nih damchung thawngtlak ding inhremnak pek arak sic ang.

Mah thil cang mi kong ah hin Siangngakchia hna nih cun, an Saya cu an tih ruang ah can sau ngai an chung hna sin ah chim lo in an ithupter khi asi, mah Siangngakchia hna hi tlaihhrem an si lio ah cheu khat hna cu hriam ngei in a um ko nain, aho hmanh sin ah chim lo in anrak tuart awn khi asi, an chung lei hna zong nih an taksa nuam lo ngai in a um timi an theih zong ah, tlaihhrem lei phun in an ruah piak bal lo khi asi.

Court nih damchung Jail tang ding ah hremnak an chuahter cang ko nain, an lung akim taktak lo caah, prosecutors hna cu nawlnak tuah than in, mah Saya pa cu thi ding ah appeal an tuah than mi asi, nikhat ni ah khan Mr Herry hremnak kong cu ceihthan asi hnu ah, thi ding in biachah pia kasi tiah Bandung High Court’s website ah phuan asi.

A tuartu chung hna lei nih hin, an cung ah thil cang mi hi kan thih hlan tiang a um peng ko cang lai, thil sual tuahtu hi atu hnu ah a um tilo nakhnga, Islamic teacher dang hna zong nih mah bantuk thil hi an fa lei cung ah an tuah lai lo tiah chim khawh asi lo caah, thil sual tuahtu cu atu bantuk in thih tiang hremnak pek hi pek phu bak asi tiah an ti.

Indonesia hi vawlei cung ah Muslim tambiknak majority country lian bi kasi, Islamic boarding schools pin ah biaknak lei cawnpiaknak zong ah mah bantuk thil cang hi theih ding a um zungzal khi asi, a ruang cu mah siang in hi chungkhar aharsa mi le sifak mi fa hna Siangin kalnak asi, Siangngakchia hna caah hin security a um lo, an him lo ngai ngai khi asi, mah school hi cawnnak tha deuh um chu nasi caah ngakchia tampi nih kalnak ah an hman mi asi.

Police nih bia an halnak ah mah cawnpiaktu Saya pa nih an chim ning ah cun, nichiar in vawikhat hi sualpi peng khan asi, Nungak notete hna nih an duh lo ngai ko nain camin puai sung an duh lo caah atu bantuk in aduh zong ah duh lo zong ah atuahter tawn khi asi tiah achim, amak ngai ko hih.