Spring Revolution feedback zoh than nak ah hin nihin tiang zei bantuk dirhmun dah kan phan cang??

February 1, 2021 in ram chung mipi nih zalongnak le ram chung acoyah dik lo ngai in, nawl an lak kha asi, mahruang ah cun Military pawl nih kum tampi timtuahnak ngei cang in, February 1, 2021 ah khan nawl ngeihnak lak ding in biachahnak an ngeih mi cu ataktak in anrak kalpi ko kha mu! Lam tampi le lam dang dang in, tactics phun phun hmang in asoyah dirh an tim ko kha asi kanrak theih ceu bang in nihin tiang, an kalpi tim peng mi asi, nain ram mipi le miphun kip hna nih, “A za cang e” an ti ve cang ruang ah cun Miliatry pawl nih an beisei bantuk in fawite in tlamtling nak angah lo kha atu dirhmun zong asi ko.

Sualnak phun kip hmang in le mipi le nunau tiang an thah hna, an tlaihhrem hna, sualnak ngei lo pawl tlaih in thawng an thlak hna, an phannak kip ah mipi hna caah chiatnak an phanter hna, minung ruahnak lungput zong ngei ti lo in, rapthlak taktak in khuasak an hmang peng fawn hna, Mipi thin lung ah thinphannak, tih nak, hnangam lonak, tuh piak tim peng khi asi, Sihmanhselaw an tim ning tein tlamtlingnak belte cu angeituk lem lo khi asi ve, mah hnu ah biaknak lei le miphun karlak ithennak ding ah thil an tuah fawn an hlawh tling lo fawn kha asi.

Mah hnu ah cun hriamnam keng in an duhnak hmun le Mi in zong ah lut in pitar/putar zong chim lo in, nunau ngakchia tiang an luh chuah hna kha asi fawn, an hmuh mi pohpoh cu apiang a rem ning in an that, an tlaihhrem, mipa hna cu tlaih in thawng an thlak fawn hna, chim cawk asi lo, atu tiang Myanmar Military Council nih an thil tuah timh ning in zei hmanh tlamtlingnak an ngah lo an hlawh cham kan ti ko lai ta, an ralkap hna zong fimnak ngei mi a um tilo ralhrang bantuk in an cawlcang ter ko, athi mi zong an tam ve bak ko cang khi asi.

Mipi lungfahnak cu a puak keh ve cang, Kan can a phan ve cang tiin, kan um nak peng le tlang ceu ah kan ngeih khawh tawk tete hriam tlai ve in, mipi kilhvennak ding ah tiah PDF/CDF kengkip ah kan dir ve cang kha asi, NUG le EAOs hna zong nih defense system siti lo in, Offensive in thuat/doh ding ah hram thawh asi ve cang fawn, SAC hna dirhmun cu keh chiat mai ding dirhmun ah adir ve lio khi asi cang, Atu ah hin SAC lei nak in NUG le EAOs, mipi lei PDF/CDF lei hi dirhmun azia deuh deuh ding ah beiseinak asang ve ngai ko cang hi asi.

Fimcan a cu ve cang caah, ralring tein cawlcang peng ding le tlangcung pawl le abik in kan Chin ram chung Unau rualhna hi kan rak biapi khun, lungrualte in kar kan thlangti hna ah cun zei tik can ah maw? Kan mah tein nawl ngeih nak state kan si khawh vet e lai tiah zumnak le beisei nak hi athi kho bak lo cu mu U le nau hna, pakhat le pakhat isoisel ti bantuk hna hi kal tak deuh deuh can acu? Pumkhat si can acu? Kan Chin Unau karlak ah hin kawl pawl nih iremh lo nak ding ah hem an thlak tawn mi hi theih fian in, kan timnak Federal Democracy lei panh in kar thlang hna cang usih Unau aw!

Hi ti hin ram nuam le tha kan ngeih ve deng mang cang lai?

Khua bik, miphun bik, phu pawl bik, adang tein um pawl bik, hna hi miphun karlak ah ramri ngeihnak asi caah, Chin miphun dih lak kal khawhnak lam sersiam peng hi nang le kei mah rian asi?  Kan thil tuah tim mi hi hmun khat asi ko, kan thuat/doh tim mi zong hmun khat asi ko?, kan ral doh mi zong hi hmun khat asi ko?, doh hmun khat, timh hmun khat, duh ning hmun khat, asi ruang ah hmun khat tein lungput ngeih in tuanti, doh ti, ding ah tang tlang hna u sih law? Kan timhnak, kan beisei nak, kan Chin ram chung hrimhrim ah Federal Democracy dirter hna u sih mu U la nau!

Cre: Moese pa