Thailand ramri hrawng ah um mi ralhrang camp cu luhhnawh hna in fakpi in an idoh hna,

Kayin State chung Thailand ramri ah um mi Military Ukaret camp cu fakpi in thuat/doh asi, mah camp ah hin nihin he nithum chung an idoh cang khi asi, idohnak zong afak chinchin, ralhrang lei nih air force hmang in an bawm hna tiah theih asi, mah camp cu Phalu, Walay, Sukalit junction ah um mi camp pakhat asi, mah idohnak hi Venom le Cobra hna fawnh in mah ralhrang camp an that doh mi asi tiah theih asi, ralhrang pawl zei maw zat thi in hrimhma ngei zong an tam ngai lai tiah zumh asi.

Hriamnam hna he CDM ah arak lut mi Ralkap Bawi 3 hna tel in minung 18 hna sin ah laksawng tampi pek asi, CDM arak lut mi hi 10,000 leng asi cang tiah,

Kyat 344 ting cu nihin arak lut mi ralkap Bwai 3 hna tel in minung 18 sin ah, NUG acoyah nih laksawng tangka an pek hna tiah report ah an langhter mi asi.

NUG acoyah Defence lei department nih, hriamnam he mipi kilhventu ralkap hna sin ah arak lut mi hna cu, Mipi caah riantuantu tha tiah pawm piak in, CDM ah ralkap Bawi pathum tel in minung 18 hna sin ah, lawmpi nak lak sawng Ting 344 cu NUG nih apek tiah cathanh an tuah pin ah ningcang hman in News report ah confirm asi, CDM minung 18 hna cu hriamnam le ralkap lei hman phun thil tampi hna he tuaktan in, mah lawman tangka hi pek mi asi tiah news report ah langhter asi.

Mah minung 18 hna hi thangthatnak lawman lak sawng an pek pin ah, NUG acoyah nih cun mipi caah pump ek duh in arak lut mi hna hi ningcang te le Upadi ning in kilhven nunhimnak tiang zong pe kasi lai tiah, NUG defence department nih cathanh tuah nak ah an langhter chih fwan khi asi, Atu ah hin mipi lei ah arak lut cang mi ralkap le Police chung in minung 10,000 leng an sic ang tiah NUG acoyah lei report peknak ah atu bantuk in anrak thanh mi asi.