Thawng pang tha Last Update report ah Myanmar ralzam minung 29,532 hna cu document ID tuah piak dih deng mang cang,
Mizoram buainak ruang ah Myanmar ralzam minung 29,532 hna cu document/chinchiahnak ding ah Identity card tuah piak mi cu, an dih deng mang cang tiah Mizoram acoyah nih an chim, report nih an tarlan ning in Home department nih atu ah hin ralzam mi taktak hna cu, theih khawhnak ding ah Document Identity card tuah cuahmah lio asi, Myanmar ralzam Mizoram ah um lio mi hna hi minung 29,532 an sic ang tiah theih asi, Nikum February 1-in military council nih nawlngeihnak an chuh hnu ah, military nawlngeihnak duh lo in, lamzawh mi hna le sualnak ngei lo mipi nunau hna tlaih le thah asi ruang ah, minung tampi nih nun him duh in Mizoram ah anrak zam hna asi.
Nikum September 7 in mipi ralkap kan ti mi PDF/CDF hna he an idoh hnu ah cun ralzam minung hi an tam deuh deuh khi asi, Atu ah hin Mizoram district 11-ah um in acoyah nih cun arak lut mi hna vialte cu chinchiahnak identity card tuah piak cuahmah asi, Mah bantuk in ID Card an ngeih dih cang ah hin cun, harsatnak le zei maw tiah bawm ding zong ah rian afawi deuh ko cang lai tiah, home department official-nih atu bantuk in anra phuan khi asi.
Kan theih khawh mi ah Hnahthial district-ah ralzam um chung in minung 1,110 cu identity card pek an sicang, Lawngtlai district-ah ralzam 4,794 cu ID card pek an sicang, Aizawl district DC bawrhsap pisa ah tuan mi hna zong nih pawhin tuzar in Myanmar ralzam hna zoh fel le ID card pek rian hram thawh asi ve cang lai, Atu dirhmun ah hin, Siaha district-ah ralzam an um tambik asi, minung 9,464 an um lio tiah theih asi, Champhai district-hi apahnih nak tambik siin minung 7,810 an um lio khi asi.
Lawngtlai cu ralzam tambik pathumnak siin minung 5,475 an um lio khi asi, Lunglei district-ah ralzam minung 1,986 an um fawn, Aizawl district-ah minung 1,916 an um, Hnahthial district-ah minung 1,732 an um fawn, Serchhip district-ah minung 433 an um, Kolasib district-ah minung 149 an um, Mamit district-ah minung 450 an um, Khawzawl district-ah minung 64 le Saitual district-ah 53 an um fawn, Ralzam a tam u-hi an umnak ding ah acoyah le NGO’s hna nih In an sak relief camp ah an um hna, Mah le chungkhar hna sin le hawi hna sin ah zei maw zat an um pin ah, mi in hlan in khuasa mi zong an um tiah report nih atu bantuk in faing ngai in arak langhter mi asi.