Thawngpang tha India ramri Moreh khuapi ah Myanmar ralzam hna caah camp tuah tim asi,

Thawngpang tha India ramri Moreh khuapi ah Myanmar ralzam hna caah camp tuah tim asi,

 

28th March 2023 Indo –Myanmar ramri Moreh khuapi ah ralzam minung 5,000 leng umnak camp cu, Manipur State acoyah nih cun tuah a tim kong India base IFP news nih a tarlan khi asi, State Minister ruahman nak in Chief Minister N Biren Singh nih Sub committee a dir, committee member Minister 3 hna nih, a hmun ah kal in ralzam hna he itonnak an ngei tiah chim asi.

Myanmar ram dirhmun a that hnu ah kirter than asi lai tiin, an leader Letpao Haokip nih Media hna sin ah a chim khi asi, Hi Myanmar ralzam hna chung ah hin Myanmar MP Thangsei Haokip zong a tel, Sagaing region-ah hin Myanmar Military council ralhrang hna le PDF hna ah fakpi in an ikah peng ruang ah, India lei ah zei maw zat an lut kong Manipur Minister hna sin ah an chim piak tiah news report ah tarlan asi.

Ralzam hna an thawngpang cu tlamtling tein record tuah in, Ralzam Refugee Card an tuah piak lai tiah theih asi, Dan/dun hna tha tein pawm/ngaitu le ralzam card ngei mi long nih, camp-ah um khawhnak sianh piak asi lai tiah, Manipur Minister hna chung ah an leader nih atu bantuk in media hna sin ah a chim.

Thil pawimawh zual deuh deuh cu tuaktan/ruahman dih asi cang, a herh ning in hmanrua le thil dang hna cu, pek le tuaktan piak peng asi ko lai tiin, Manipur khuapi ah nawlngeitu pakhat nih cun a chim fawn, A tu ah hin security ding cheukhat hna chiah asi cang, Ngandamnak lei zohkhen nak ding ah Health office zong chiah piak asi lai tiah theih asi fawn.

# India base IFP news#