Thawngpang tha lo India- acoyah nih ramri bia tak tein ven ding ah Assam Rifiles hna theihter le nawl pek asi cang,

December 8,2022 Union home ministry nih thawng an thanh nak ah, India le Myanmar ramri ventu ding ah, Assam Riffles cu ramri bia tak tein ven ding ah theihternak thar atuah cang, Paramilitary force nawl ngeitu hna nih cun, Central acoyah lei in nawl athar in nawl an pek than cang tiah fiang tein thanh asi cang.

Myanmar ram lei in India ah luh atim mi hna cu, visa le khualtlawng khawhnak document ngei lo cu,  a ho hmanh luhter ti lo ding ah chim piak asi cang tiah Time of Hidustant ah thanh asi, Home ministry-nih ramri ventu ralkap hna sin ah ramri cu strict ngai in ven cang ding ah theihternak le nawl pek asi cang.

Myanmar ram buai ruang ah kan hnu deuh hna ah khan, Mizoram ah lut mi Myanmar police office pariat 8 hna pekkir/hand over ding ah, Myanmar nawl ngeitu hna nih Champhai DC sin ah nawlnak an tuah hnu ah Central acoyah nih atu bantuk in Assam Riffiles hna cu theihternak le nawl anrak pek thannak asi.

Myanmar nawl ngeitu hna nih ramri hrawng ah um mi India-ram chung ah a lut tiah theih mi, police minung 8 hna long an halnak chan cu theih asi lo, Mizoram home department nih Myanmar minung 16 hrawng Mizoram ah an ralzam cang tiah a chim fawn, Assam Riffles nih hin India hmarchak ah hin, khuachak lei Myanmar he ramri km 404-sau cu venter asi.

Ramri/Border Security Force hna nih thlang lei ah Bangladesh he ramri an ven ve fawn khi asi, India le Myanmar ramri hi Free Movement Regime (FMR) an timi hmang in, a pawngkam hrawng ah um mi miphun zei maw zat hna cu, ramri-in km 16 huam chung ah cun, visa ngei theng theng her lo in, khuachung nawl ngeitu hna theihpi nak in an lut an chuak khawh peng kha asi.

Ramri-in km 10 huam chung hrawng ah hin khua 250 leng ah minung 300,000 hrawng an um asi, ramri lonh (crossing) ning le tuah chawmh mi hna he, hmun 150 hrawng ah an um fawn tiah Home ministry lei nih report an pek ning ah alang, Myanmar Military le India acoyah hi, ibiakchawnhnak an ngeih peng ruang ah ralzam mi hna ca tiang harsatnak lianpi asirih ko.