THAWNGPANG UPDATE! A Tu Tiang Ah Kan Chin Ralkap A Thimi Hna Lak Ah An Min Kan Theih Khawhmi Hna.

SAC ralhrang Vanlawng kahnak in A tu tiang ah kan chin ralkap a thimi hna lak ah an min kan theih khawhmi hna kan van langhter. A tu tiang ah a thimi chungin kan theih khawhmi hna cu Bawino Duh Tin, Bawino A Ngun le Sui Len Par hna an si. Midang a thimi hi ho te dah an si timi kan thei kho rih lo. The Chin Journal nih a langhter ning ahcun Chin ralkap pa5 an nunnak a liam ti a si. Update thar bik um bak in update tuah than khawh kan van i zuam lai. Bawipa nih ram le miphun caah nunnak a petu hna chungkhar vialte hnem hram ko hna seh.

SAC ralhrang vanlawng kahnak in CNA ralkap 5 an nunnak a liam

January 10, The Chin Journal : Nihin zaanlei ah SAC ralhrang nih CNA/F Headquars cu vanlawng 5 in an kah i CNA ralkap pa 3 le nu 2 an nunnak a liam, tiah thanwgpang kan theih.

A dang aa hliammi minung 10 hrawng zong an um. Vanlawng hi India ramchung lei in a rung lut a titu zong an um nain fiang ngai in theih a si rih lo. Aa hliammi le a nunnak a liammi cazin hi anmah CNA/F nih fehternak an tuah than telai.

Credit : The Chin Journal