Thlang Pang khua thar le khua hlun kar lak ah CDF Matupi le ralhrang hna idoh kah nak ah miphun ralkap pahnih bomb puah ruang ah athi, ralhrang 16 athi,

Matupi base battalion N0-304 ralhrang hna le Matupi CDF hna cu Thlang Pang khuathar le khua hlun karlak ah an idoh kahnak ah kan miphun kilhventu pasal tha 2 nih mine bomb ruang ah ram caah anunnak apek tiah theih asi, mah idohnak ah ralhrang hna lei minung 16 an thi tiah thawng theih asi, Mindat lei in anrak chuak convoy motor hna cu, Macrh 31 idohnak ah khan ralhrang 14 thi in tampi nih hriamhma an ngei tiah kan hnu news report ah langhter asi cang kha asi, atu ah hin Matupi khua chung ah an lut rih deuh lo tiah CDF thawngthanh nak nih alanghter fawn khi asi.

Chin state Mindat in arak chuak mi ralhrang convoy hna ah minung 80 hrawng he vawi hnih idoh kahnak asi cang, CDF Matupi nih anrak kamh mi mines bomb puahnak ah ralhrang minung 11 nih an thih pi pin ah hriamhma ngei zong zei maw zat an um fawn tiah thawngthanh nak nih alanghter mi asi, Zing suimilam 7:40AM hrawng ah ralhrang hna hi Thlang pang khuathar lei ah an kir than tiah theih asi, 9:10 hrawng ah ralkap thazang thar he arak chuak than hnu ah kan idoh than 9:50AM ah ralhrang 3 an thi than hnu ah an kir than hawi tiah anti, mah ralhrang hna nih hin civil motor hman in ralkap thazang chapchih in anrak chuak than tiah Matupi CDF nih Yangon Khit Thit media ah atu bantuk in chim asi.

Atu ah hin raqlhrang hna convoy ah hin ralkap thazang minung 150 hrawng hi thlang pang khua thar ah hin an um rih ko, an convoy motor hi adih lak in 84 asi tiah, mah motor hna nih hin ration le hramnam hna Mindat le Matupi battalion hna an supply mi asi tiah theih asi, Mindat in 24 March ah arak chuak cang kha asi, atu zong ah Matupi khua chung an lut kho rih lo, Thlang Pang khuathar ah adih lak in an um rih tiah CDF report nih alanghter mi asi, mah ralhrang convoy motor hnha hi march 29 ah khan CDF Mindat he an idohnak ah ralhrang 29 bak an thi tiah chimnak nawl ngeitu Mindat CDF nih atu bantuk in thawng anrak thanh mi asi.