Tlang cung hriam tlai hna nih Min Aung Hlaing ton lo ding ah cathanh an tuah hnu ah, cheu khat hna nih atu ah an ton hna apoi bak te ko lai hih!
Tlang cung hriam tlai hna nih Min Aung Hlaing ton lo ding ah aati hnu ah,
A hmasa bik ah Min Aung Hlaing nih swamnak atuah lio ah khan, KNU, KIA, KNPP, CNF, AA, TNLA, MNDAA, tlangcung hriam tlai tha zang ngeih deuh mi hna nih cun, Min Aung Hlaing he iton ding asi lo, Min Aung Hlaing nih Ralkal nawlngeihnak thawnter ding le afek deuh deuh nak ding ah tuah mi thil asi tiah anrak pawm piak lo kha asi, Cun Remdaihnak taktak duhnak lungthin angei lo mi asi tiah ningcang tein cathanhnak anrak tuah cang kha asi, atu zong ah mah an duh lo mi kha an dirpi peng ko lio ah cheu khat hna nih Min Aung Hlaing sawmnak pawm than cu miphun ral tih anung mi an si ko lai tiah Analysts tampi hna nih an ruah mi asi.
Arakan State Liberation Party (ALP) Vice-Chairman Daw Saw Mya Razalin hruainak in ai-awh hna cu, Nasaka State Administrative Council Chairman he remdaihnak kawl in Military Council hna he, ibiakchawnhnak ngeih than ding ah, nizan ah khan Naypyidaw an phan hna cang, 12 June 2022 ah khan Arakan State Liberation Party (ALP) Vice-Chair woman Daw Saw Mya Razalin hruai aiawh hna cu, Prime Minister Min Aung Hlaing-asawmnak cu pawm in remdaihnak ding ah ibiakchawnh nak ngeih ding in, Naypyidaw ah an iton hna lai khi asi, ALP nih hin senior general he iton biaruahnak hi vawi 6 nak ding ah atu hi itonnak an ngei lio tiah theih asi.
June 13 ah hin senior general Min Aung Hlaing he iton ding an si, remdaihnak kong an chim hna lai tiah theih asi, Senior General Min Aung Hlaing nih May 20 ah hin Shan State Rehabilitation Council (RCSS) cu a ton fawn cang, New Mon State Party (NMSP) Karen National Union (KNU / KNLA-PC) hna, United Wa State Army (UWSA) le NDAA (Maing La) hna he itonnak an ngeih cang fawn tiah theih asi.
Min Aung Hlaing Uico ralhrang hna minung 100 hrawng nih AA hna sin ah 14 June 2022 ah an lut dih tiah Khaing Thu Kha nih confirm cang tiah Press tuahnak ah achim, Ralhrang lei in arak zam mi hna hi minung sinak in zangfahnak langhter in bawm an si pin ah an umnak hmunhma tiah tuaktan pia kasi tiah AA chimnak nawl ngeitu Khaing Thu Kha nih atu bantuk in achim chih fawn, ralhrang lei in arak zam mi hna hi zeizat dah asi timi hi, chim arem lo caah kan chim lo tiah ati fawn, ralhrang lei hna hi ramchung pumpi ah, mipi kilhventu ralkap hna le tlangcung hriam tlai hna he, idoh kahnak ah hin ralkap lei hi faktuk in kan tuar kan thi hriamhma kan ngei tiah ati, sualnak angei lo mipi hna thah le tlaih Military council tang ah um kan duh lo caah, tlangcung hriam tlai hna sin ah himnak duh in kanrak lut tiah an ti, Miphun acoyah NUG mipi humhimtu sin ah hin, himnak duh in alut cang mi hi ming thawnghra deng mang kan um cang tiah NUG President Mang Khaing Tan nih atu bantuk in achim.
Min Aung Hlaing he itonnak kan duh lo tiah an thanh cang nain, tlangcung hriam tlai ERO hna nih iton an duh than tiah avawi 2nak ding ah Min Aung Hlaing nih an sawm/auh than tiah, itonnak ding ah June 30 ni ah min pek ding in an thanh than tiah theih asi, April 22 ah avawikhat sawmnak ah Bu 10 hna nih min a pek hna chung ah Bu 6 hna he iton asi cang, Bu 4 hna he zong iton ding kan si, tlangcung hriam tlai Bu hna nih sawm/auh than ding ah June 30 ah last min pek ding ah Min Aung Hlaing nih athah than khi asi.