Tulio Hakha University Thawngpang!

Hakha University in CDM a tuahtu sianginn cachim hna cu pumpak in ca na pek hna i rian an dinhter chung hna nak kong an thanh hna. Cu pin ah May 11 hnu bik ah chekhlatnak tuah ding in an auh hna nain nihin tiang aho hmanh an kai lo.

No photo description available.

Hi rian dinhter ca an pek mi hna ah minsen thu lo in le tuanvo ngeitu min an langhter lo. Ralhrang ralkap nih Kawlram huap in University a hun cang nain Hakha University ah siangakchia aho hmanh an kai lo. CDM a lut lo mi siangcachim mitlawmte lawng an kai tiah kan theih.

Crd- The Chinland Post.

Relchap: Hakha Thar Ah Kum 60 Si Cang Mi Nuva Telh In Minung 5 An Tlaih Hna!

Hakha Thar Ah Kum 60 Si Cang Mi Nuva Telh In Minung Panga Tlaih.Hakha khuachung ah ralkap nih mi tlaih ding in mi an kawl, an hmuh hna lo caah kum 60 si cang mi nupa tel in minung 5 an tlaih hna.

Hakha Thar Ah Kum 60 Si Cang Mi Nuva Telh In Minung Panga Tlaih

Chin ramkulh.Hakha thar sang ah hramhram uk nak la tu ralhrang phu ha nih tu zaan lei suimilam 5 le 6 kar hrawng ah mitlaih ding in mi an kawl an hmuh hna lo caah kum 60 luan cang mi nupa hna tel in minung 5 tlaih in an kal pi hna tiah theih a si.

“Mitlaih ding ah inn ah an va kawl hna ,an fapa an hmuh lo caah kum upa cang mi nupa hna cu an tlaih hna, an nupa in kum 60 luan mi an si cang. Cun a dang pakhat tlaih ding an kawl mi an hmuh ve lo caah an pawng kam um mi pakhat cu an tlaih ve . Cu ka hmun cun meithal zong an puah , meithal an puah ruangah Lau in a tli mi zong an tlaih , a dang inn ah an lut i minung pakhat an tlaih chap, zei ruang dah an tlaih hna ti theih a si lo .Tangka zong singhnih le cheu an fir chap tiah ” Hakha khua mi pakhat nih a chim.

An tlaih mi hna cu Pu Ca Kung le a nupi, Pi Ram Iang, Pu Bawi Hram, Pa Ram Ceu, Pa Than HTang, Nu Ni Tin thluai hna an si

Nihin an tlaih mi hna dihlak ah minung 5 an si i, rallokap hna cu Hakha thar Baptist Biakinn zong ah an lut, thilri a rawk mi cu um lo tiah theih a si. Nizaan May ni 6 zong ah khan Hakha khua chung ah minung 12 an tlaih hna i zaan lei ah minung 10 an thlah than hna tiah theih a si.