UK ram ah Christian Festival ngeih nak ah cun minung 3000 leng nih Jesuh cu khamtu le zangfaktu tiah pawm in Jesuh sin ah an ipek hna,

Thlanglei ram dang dang hna ah hin Khrihfa sinak lei ah zumnak arak niam chinchin cang kong tamp ikan hmuh/theih khi asi tawn cang, mah thawng pang karlak ah atu ah hin thawng pang tha theih ding ah arak um than hi Pathian riantuannak taktak asi tiah theih khawh asi, kan hnu naite ah khan UK ah Christian Festival lian bik chung ah um mi, Festival Manchester cu Wythenshawe Park ah ngeih a si, mah chung ah cun minung 3000 leng nih cun, Jesuh/Pathian caah riantuan le a nun hman ve cang ding in pum a pek hna khi asi.

Mah festival hi The Message Trust le The Luis Palau Association hna nih tuah mi asi, mipi zong nih an santlaipi ngai ngai tiah theih asi, minung 65,000 leng an kal hna khi asi, Pathian bia chimnak cang hna an ngeih pin ah, hlasa thiam mi alar taktak mi hna zong nih mipi caah hla hna an sak piak hna, mipi lei zong nih nuam an ti ngai hna, mipi hna caah hlasak pin ah Item dang dang hna zong tuah piak in, sports lei hna le ti thleuh hna zong a phunphun in tuah pia kasi, Pathian dawtnak le zangfahnak bia tak tein alang ko, nikhat ah mah zatzat minung cu, Nunthar ngeih in Pathian riantuan ve ding ah pum a pek mi le pathian ca long long ah dam chung riantuan ding ah decision ngeih mi hna hi, an mah duh ruang ah si lo in Pathian biatu nih achunglei nun atawng piak ruang tu ah asi tiah theih asi.

Mipi aram mi vialte chung ah hin Pathian bia ah ti hal rwal tam mi an tam ngai, Mah program atuahtu hna sin ah Pathian bia chim ding ah nawlnak tuah mi hna zong an um fawn, cu tic un Pathian bia le taksa lei exercise phunphun hna he, an thil tuah mi hna vialte cu Pathian nih thlua achuah caah ah, mipi lungthin ah bia tak tein pathian bia cu arak tla ngai ngai khi asi, Pathian bia ngai duh zong an tampi ko tiah chung taunt pakhat nih report ah atu bantuk in arak langhter mi asi, Mah ni ah cun Pathian thil ti khwahnak alang ngai ngai caah, Program tuahtu hna zong an ilawm ngai ngai tiah chim asi, Pathian hi cu arak tha taktak ko hih!

Bucha khua ah um mi hna nih an chim ning ah cun mak ngai ngai in, Russia ralkap hna cu Bucha khua in an kir dih khi asi tiah Pathian thil tuah mi asi tiin lawmnak bia an chim hna fawn, Russia ralkap hna nih Kyiv khuapi lak timnak ah fakpi in an thuat hna khi asi, civil minung tampi thihnak hmun zong asi, minung athi mi hna hi vui/phum cawk an si lo, vawikhat ah minung tampi vui/phum (mass grave) an si, mah tluk Russia ralkap hna nih kut an thlak nak cu ruah lo pi in mah khua cu Russia ralkap hna nih an chuah tak cu, an khuaruah a har ngai ngai khi asi, Pathian thil tuah mi asi tiah an zum pin ah pathian kilhven nak ruang ah asi tiah an ti.

Russia ralkap hna nih mah tluk hriamnam le bomb an thlak hna lio ah cun, mipi hna cu himnak ding ah tiah Biak in chung ah an lut hna khi asi tawn, fakpi in Pathian sin ah thla an cam hna khi asi, Bible hna an rel, Pathian sin ah pum an ap hna, Russia ralkap hna lak ah hin Khrihfa hna cu an him ve ko tiah chim asi,Bucha le Kyiv a pawngkam hrawng ah Russia ralkap cwalcang ning hi a rapthlak ngai mi khi asi, atu tiang mah hrawng ah mithi hi minung 1300 leng hrawng hi hmuh asi cang, atu tiang Russia ralkap thah mi ruak hi char peng asi rih ko tiah chim asi, Pathian thil ti khawhnak lang deuh deuh ding in thlacam in bwam hna usih.

Christian Outlook