UN Security Council nih Democracy activist minung 4 thahnak kong ah soiselnak cathanh atuah mi ah ram 15 chung ah China le Russia zong a tel ve cang,

UN Security Council nih Democracy activist minung 4 thahnak kong,

Myanmar ralkap hna nih pro-democracy activists minung 4 cu, Ningcang lo in thah asinak kong ah China le Russia zong tel in, UN security council member ram 15 hna nih fak nawn in soisel nak cathanh tuah in tar langter asi ve cang, Myanmar military council cu minung diknak covo human rights rule of law Upat/tihzah ding in le mipi sualnak ngei lo mi hna cung ah, thazang hman hi idin tak/stop cawlh ding in, UN Security Council cathanh ah langhter ve fawn khi asi.

ASEAN ram hna nih Myanmar ralkap acoyah nih thi ding ah an kong ceih piak mi cu, ruah piak than ding ah nawlnak an tuah peng lio hmanh ah, an thil tuah tim mi an kal tlang pi thiamthiam hi theih thiam har an tin gai fawn, UN Security council cathanh tuah mi hi Myanmar ram pawng ah ralhrang pawl hawi tha China zong nih tha an ti ve ti lo  tiah theih asi, mah UN cathanh nak ah hin UN ram 15 hna chung ah China le Russia tel in an soiselnak hi avawikhatnak asi tiah cathanh nak ah langhter asi.

Military council hna nih nawlngeihnak hramhram in an lak hnu ah, Myanmar ram pumpi ah duh lonak/dodalnak arak chuak ve cawlh kha asi, remdaihnak ngei khawh ding le Democracy dirter than ding ah, vawlei pumpi aiawh in, ASEAN ram hna nih hma anrak lak ve ngai ngai lio ah, Min Aung Hlaing hruainak tang ah ralkap council acoyah nih, Remdaihnak ding ah biakam 5 cu tlamtlingter ding ah hmalaknak a um lo ruang ah, atu thil cang mi zong hi Min Aung Hlaing ruang ah asi tiah pawm khawh asi apoi ngai ko.

UN Aiawh (special envoy to Myanmar) Ms. Nolin Hazar nih cun minung 4 thahnak hi ralkap acoyah nih, pumpak zalongnak le diknak covo upat tihzahnak ngei bak lo mi thil tuah mi asi ati, UN aiawh pawimawhnak cu UN Security Council nihlanghter in, ASEAN aiawh Cambodian Foreign Minister he tuantinak tha ngei khawh ding in, duhsaknak bia atial fawn khi asi.

BBC