Unau karlak ah ‘Hem’ athlak/chanh tawn hi a ho? Chul khat chuak sibu in ipum khat lo nak hi zei dah a ruang? Bangladesh Chin Unau kut chuak!

Unau karlak ah ‘Hem’ athlak/chanh tawn hi a ho?

Kan unau kar lak ah hin zei nih dah ‘Hem’ an thlak? Chul khat chuak kan si ko bu in, zei ruang adah kan ipum khat khawh lo? Kan isuih/fun khawm than khawhnak ding ah hin e zei dah pawimawh bik asi lai? Comment nak lei ah Idea rak chuah ve ngat ko ca? mah thil nih hin zan it khawh lo in khua akan ruatter vet lat peng khi asi caah, thiam lo bu tein karak tial chauhpi ve tawp hi asi, Thisen a peh mi unau siin, kan duh ruang ah si lo in, Zei maw achan dang dang ruang ah then darh in kan um, Zofa hna ram kip ah um mi hna hi, kan thang harh a cu bak ko cang e.

Chul khat kual chuak kan sinak hi cawi sang ko hna usih law, Zofa hna hi vawlei hmun dang dang ah then darh in kan um pin ah, miphun dang uknak tang ah cawlcang kho lo in kan um, kan umnak hmun le ram a dang ruang ah kan holh le nun phung tlawmpalte adannak deuh hi asi ko, chul khat kual kan sinak pin lei ah hin, kan pi pu hna san lio in unau muisam itheih lonak hna, thil dang ah itheihthiam lonak tete hna hi aphan tawn peng cang ko hmanh ah, unau kan iremh deuh deuh nak ding ah hin, kan isuih khawm khawhnak le khua dang dang ah, Siapi bantuk in adangtein izoh/muhnak ngei lo tein, lungput le ruahnak ngei in fimcan acu taktak ko cang caah, Ti bantuk in luangti cang usih.

Unau sinak kan itheih ti lonak asau deuh ko cang hmanh ah, Unau nihin ni thawk in kan lungput le ruahnak thar hmang cang usih, kan miphun cultural le kan miphun holh tete hi upat pek piak in, miphunpi hna bantuk in lung sau le tawidawr nun he unau ifuntom can acu ko cang e, Zofa hna nih hin Zofa hna hi upat tihzah bu in izoh ve cang usihlaw, pakhat le pakhat Ihmuh niam le adangte ah izoh ti phun hna hi, miphun a then darhtu asi timi hi icing ken dih cang usih, Cuticun kan kalpi khawh taktak ah cun vawlei cung ah, Mi zei miphun hmanh nih akan hmuh ning ah, miphun thangcho le thawng in akan upat ve cang lai.

Chin/Mizo/Kuki, miphun pakhat kan si, kan umnak hmun le ram acoyah adan deuh khi asi ko, ram nih ramri angei ko hmanh ah, miphun nih cun ramri angei bal lo cu mu! Miphun dang hna nih min adang dang in akan auh nak hi asi ko, Kan sinak lai mu cu chul khat chuak miphun pakhat kan si ko, Kawl le Vai miphun pi hna nih an icawn piak ning ah, an fapa 5 hna cu fung pakhat ceu an pek, an tliakter khawh dih, fung 5 in an fawnhter hnu ah, an tliakter khawh ti lo, asul lam le an hmuhsaknak cu, lungrualte in a um mi poh poh miphun hi an thawng, an thangcho, an fek, miphun dang nih an ngam bal lo timi hi, bia tak tein icawnpi le biapi bik ah an icingken mi asi caah, Super Power ram tiah kan tit awn khi asi.

Chin/Mizo/Kuki fa hna hi kan ipum khat cang asi ah cun, vawlei cung ah miphun cak/thawng le thanchonak lei tiang, vawlei cung ah 100% tluk bak Khrih Bawipa azum mi kan si fawn, zei tik can ah maw cu? Kan ipum khat pin ah khawkhan lairel nak pakhat tang ah kan um hrimhrim ko lai timi hi hnabei dong bak lo in ka beisei peng rih ko e Unau!! Zofa hna isuih khawm than ding ah zei dah bia pi bik?? Comment rak pek ve ceu u??

#Chin#Mizo#Kuki#ZORO…..