Unau Mizo le Manipur in Israel ram ah minung 3000 hrawng thial/resettlement asi cang, atu zong an kal cuahmah tiah thei asi,

PTI nih alanghter ning ah cun, Mizoram le Manipur ah um mi hna Bnei Manashe an ti mi minung 9,000 hrawng chungin 3,000 hna hi cu Israae ah an ithial cang tiah ati, Tu kum chung ah hin minung 432 an ithial-I, mah chung in ahma hnung bik hna minung 275 cu, 14.06.2021 ni ah khan India ram chuah takin Ben-Gurion Airport ah tum ding asi lio ah minung 38 cu Covid- positive ruang ah akal kho rih lo khi asi, ahnu ah akal than te lai.

Israel ram an phan hnu ah hin, an ram chung mi le sa bantuk te in, In le lo, ei le din, riantuan nak aphunphun, minung covo ning te in ngah dih an si, mipa atam u cu Israel ralkap ah le Security ah riantuan mi hi an tam ngai, Nu hna hi cu qualification ning in social work le sianginn hna ah cawnpiak tu sayamah an si.

Cathiam lo mi hmanh nih ngah ding covo aning tein an ngah dih cio, riantuan nak lei zong ah Israel ram hi Agriculture lei le dum tuah mi hi atam tuk caah tuan cawk lo an ngei tiah an chim, lakhah/salary zong sekel asi-I, thlakhat lahkhah khi India tangka in Rs-80,000 or 120,000 hrawng hi an ngah tiah thei asi.

Pu Sangzela Tlau nih interview an tuah nak ah, Israel ram ah Mizo um mi hna hi, zei pohpoh lei ah chambau nak a um lo, kum upa hnu zong ah pension hmanh hi kan ei cawk lo tiah ati, mikip le in kip nih kan din bik mi cu misur/wine hi asi, mah ruang ah cun taksa ngan dam nak le thawnnak asi, zawtfahnak ti bantuk hi a um tuk lem lo, accident sual tilo ah cun tiin interview nak ah fiang tein an chim khi asi.

Cre; Mizo news