Van Van Aw Mi Dawt Thiam Te Aw Kan In Zumh Kho La Lo E.

A poi tuk hring hran ko e. Chinland ralkap Salai Van Uk Nawl miphun le ram caah 11 November 2022 ah a nunnak liam. Van van aw mi dawt thiam te aw kan in zumh kho la lo e ka tuar thiam lo van uk nawl ka taa. Credit : (Bangnu).

Letpan Khua SAC Ralkap Nih An Khangh Pinah Nu 4 An Tlaih Hna!

Magway ramṭhen Saw peng Letpan khua cu SAC ralkap nih an khangh pinah nu 4 zong an tlaih hna i, an nunnak ca ah thinphang a si ko, tiah Yaw Alin Tan phu in ṭuanvo ngeitu pakhat nih a chim.

Nizan November 10 chun sml 12:50 ah SAC ralkap Tatma 55,11 le 101 in ralkap 80 hrawng cu Letpan khua ah an lut i, khuami inn pakhat an khangh pinah nu 4 zong an tlaih hna. Khuami pakhat zong a tlau, tiah theih a si.

“Chun sml 12:50 ah Letpan khua ah SAC ralkap 80 hrawng nih meithal an puah. Zanlei sml 4:30 ah inn pakhat an khangh. Nu 4 an tlaih hna i pakhat cu a tlau. Khuami a dang hi an him le him lo kan hngal kho rih lo,” tiah a chim chap.

SAC ralkap cu zanlei sml 5:00 hrawngah Pasauk khua phungki sianginn le khuami inn cheukhat ah umhmun an khuar, tiah theih a si.

Credit : The Chin Post