WARNING ! Ralrinnak Tak Tak.

WAK 103 Jet Fighter pa 2 cu, Mandalay airbase in Chinram lei hoih in an hun zuan lio caah kan umnak hmun cio ah ralring tein um i zuam hna usih. Tuhi ralhrang le AA an i phomh cuahmah lio si caah Rakhine ram lei zong ah i mer khawh si ve tthiam ko. Share, Ralrinnak ah hun thanhmi a si.

Ralhrang Langta a rak zuang hoi e.Helicopter nih hriamnam pinah ralhrang a rak phorh hna. Motor in Halkha leiah ralhrang thazaang an chap ngam ti lo caah an Langta in voikhat phorh ah ralhraang 25 tete tiin a rak phorh chih lengmang hna.

Credit : Salai Williams Hlawnceu

Hakhathar lamruk tonnak SAC ralhrang hna kut in khuami pakhat hliam a tuar

November 7 : 2022 November 7, Timit kuanghrawn ah vanlawng in a kah hna hnu, Hakha khuachung lamruk tonnak SAC Gate ah ralhraang nih ningcang lo in meithal le bomb an puah ca ah khuami Pi Far Can (Kum 60 fai) cu fak ngai in hliam a tuar tiah theih a si.

Khuami pakhat nih, “Meithal le bomb thawng kan theih hi suimilaam 8:00PM hrawng ah a si. A thawng a thang mi a tam ngai. Ralhraang an zurit le lau lung in puah mi a si lai tiah kan zumh,” tiah THP ah a chim.

Nihin zong ralhrang nih Timit pawngkam ah a um mi CNA le CDF ralkap hna cu raltuknak vanlawng in bomb voi thum a thlak hna nain rammi ralkap tu cu an him dih tiah kan theih.

Pi Far Can hi a liang ah an khen i a tu hi thlopbul ding in an tawlrel cuahmah tiah theih a si.

Credit : The Hakha Post