ZO-Reunification Organization ‘ZORO’ nih Press Statement 19th November 2022 ah an chuah, Bangladesh Chin Unau hna caah,

ZO-Reunification Organization ‘ZORO’ nih Press Statement 19th November 2022 ah an chuah, Bangladesh Chin Unau hna caah,

Bangladesh-ah kan unau Zohnahthlak hna nih anhim nak le anmah tein state demand-an tuahnak ah, Kuki-Chin National Army (KNA) dir in bia tak tein hma an lak lio ah, an tribal pi hna lak zong ah dawnkhan/ dodalnak fakpi an tawn hnu ah, Naite ah khan Bangladesh acoyah Army hna nih an thuat/doh ngam lo ruang ah, Arakan Army (AA) hna he “iremnak tuah in” Bangladesh Army le Arakan Army hna combine in, Kuki-Chin National Army (KNA) hna cu Chaihkhiang khua le a pawngkam fakpi in an thuat/kap hna kha asi, civilian sualnak ngei lo mi hna zong duh tawk in tlaihhrem le vuak/velh an tong ngai ngai hna khi asi.

Atu ah hin Bangladesh-ah kan zohnahthlak unau hna nih faktuk in harsatnak an ton lio asi, an khua zong ah um ngam ti lo in, kengkip ah an zam darh hna lio asi, Bangladesh kan unau, kan thisen peh/zawmpi hna nih an tuar mi harnak hi, ZORO nih pawi an tipi taktak pin ah kan tuarpi taktak ko ati, Mah thil phan ruang ah hin Chaihkhiang khua civilian sualnak ngei lo, minung 9 bak Arakan Army (AA) hna nih an tlaih, Bangladesh Army sin ah an pek lai tiah zum asi, hi bantuk hi thil sining ruang ah hin, Bangladesh-ah kan Zohnahthlak unau hna hi, dirhmun derthawng ngai ah an dir lio asi, mi tampi an khua ah an um ngam lo ruang ah, Mizoram zong ah ralzam an um lai tiah zum asi.

ZORO nih Mizoram acoyah cu hi kan unau Bangladesh ah um, Zohnahthlak hna harsatnak hi asi khawh tawk tein ruah piak in le hma lak piak ding ah an nawl, NGO pawl dang dang hna zong nih ngaih ven in, an bawm khawh tawk te ah bawm ding in nawlnak an tuah fawn, Mizoram mipi hna zong kan unau Bangladesh ah um mi hna nih harsatnak an ton tiah theih in, thlacam pi ding ah sawm an si fawn, ZO-Reunification Organization (ZORO) cu vawlei hmun dang dang ah um Zofa hna ifuntom in, lungrual tein khawkhan lairelnak pakhat tang ah, kan um khawhnak ding ah hma latu pawl le Zofa hna caah dir a si bantuk in kan unau, kan thisen apeh mi Bangladesh um mi harsatnak an ton lio hi, kan zoh zulh peng lai bawm an herhnak kip ah bawm ding in, hma kan lak peng lai tiin.

Issued by : ZORO General Headquarters, Aizawl.

Bangladesh in ralzam hna an himnak tuaktan piak cawlh ding ah ‘𝐌𝐒𝐔’ nih acoyah an phut/nawl hna,

Bangladesh Chittagong Hill Tracks ah Bangladesh ralkap le Kuki-Chin National Army hna ido kahnak ruang ah, Lawngtlai District ah lut mi hi 272 an tling cang, mah hna hi Zohnahthlak an si dih hna, ZALEN news nih an chim ning ah, ralzam hna nih hin November 16, 2022 ah khan Bangladesh chung, Chaihkhiang khua in ramlak lam ah rak zam in, Mizoram an pan lio asi adih lak in minung 2000 leng an tling, Mizoram arak lut lio ralzam hna hi Sunsawng, Thingdawl, Salopui khua hna an si, mah khua ah um mi hna nih hin Chaihkhiang khua an pan khawm tiah theih asi.

Zohnahthlak chung ah miphun dang dang Bawm, Maria, Khumi, Khiang, Lushai, Pang miphun hna an si, Mah kong ah hin Mizo Students Union (MSU) nih cathanh tuah in, Zohnahthlak unau Bangladesh ah um lio, sahimnak kawl in Mizoram rak lut tim mi hna, Border Security Force (BSF) hna nih an thin phannak theihthiam piak lo in, nunau le kum upa deuh hna zong an khamh dih tiah tarlang in, tha lo tiah an soisel nak an langhter fawn, An himnak tuaktan piak zawk zawk ding ah le an harsatnak aran khawh nak chung in, tuah piak asi khawh nak ding ah, Mizoram acoyah an phut/nawl an si.

Bangladesh lei in ralzam 272 Lawngtlai ah aphan cang,

Bangladesh Chittagong Hill Tracks a Bangladesh ralkap le Kuki-Chin National Army hna an ithuat/doh ruang ah, sahimnak kawl in Lawngtlai District ah ralzam alut mi cu minung 272 an tling cang, Nizan ah khan nunau le kum upa lei deuh cang mi hna he hin, Lawngtlai District chung Parva pawng Sameinasora an phan, ramri ah duty Border Security Force hna nih tuah ding aherh mitete hna le chinchiah ding hna an tuah fel dih hnu ah, Sameinasora ah hruailuh an si, nizan ah khan Biakin le Primary School ah riahter an si.

Parva lei report pek ning in, BSF hna nih hin hi ralzam hna hi, hmundang ah kalter rem an ti lo caah, Sameinasora ah hin chiah/um khawm ter an si, Lawngtlai DC Pu Amol Srivastava ruahmannak in Chawngte SDO (C) nih zatlang hruaitu hna he, ibiakchawnhnak ngei in an riahnak ding le ei le din pin ah, mamawh dang hna an ruah piak hna, dan/dun nawlpek a ken mi hna le SDPO Chawngte hna nih, Hika hmun hi an thutpi lio khi asi.