Zomi Reviolation Army “Z R A” nih thil an timh ning le an kal ning theih arak her bak ko hih! Iralring kan herh,

Zomi Reviolation Army ZRA timi hi zei dah an tuah? Khawika dah an um? Zei bantuk politic dah an tuah  timi hi mi tampi nih akong hi kan theihtuk kho lo men, Chin ram chung ah zei bantuk covo dah angei? Adang tein maw an kal asi lo ah Chin ram mipi kilh ventu ralkap hna he zei tin dah asi? Peh tlainak an ngei maw ngei lo tihi bia hal ding tampi a um khawh ko lai, nain atu tan tlawm palh te an cawlcang ning le an umtu ning hi Chin mipi nih kan theih era her ngai tiah kanrak langhter mi asi.

ZRA hi India acoyah nih salary/lahkhah pek in India-Myanmar border security ( ramri kilh ventu ) caah an hman mi asi tiah theih asi, ZRA hna nih hin Myanmar ram caah politic/ram khel atuah ve mi asi lo, 2021 kum April ah khan Myanmar military he kum hnih chung in idoh/kah lo nak ding ah bia kam tuah in sign asi, Ram le miphun caah riantuan an si lo ruang ah, an mah unau taktak asi mi mah le mah doh tu Zomi Mipi ralkap ( PDF Zomi) camp hna zong an va thuat/doh cang kha asi, an hruaitu an kap thi piak fawn,raw (PDF Zomi ) an camp an hrawh piak dih fawn, camp chung ah tangka, Laptop le hmanrua thil phunphun le facang hna tiang an fir piak kha asi.

Mah cu an dir hmun le an umtu ning asi caah, CNA/F le CDF hna nih cun “ZRA cu Chin Terrorists” tiah phuang in statements tiang anrak chuah cang kha asi, ZRA pawl dirhmun fiang ngai in kan theih cang mi hi kan mipi hna zong nih anrak theih ceu nak hnga FB Group le Whatapp group hna ah van share piak hna u, “Zomi mipi hna nih hin ZRA hi kan support bak lo, zei dah an thil tuah tim mi asi? Zei ram ca dah politic an khel timi hmanh theih asi lo, Nain India acoyah sin in tangka an hmuh ruang ah le hriamnam tha he an si, kan mah zomi mipi nih cun zeitin dah kan tuah lai timi kan theih bak ti lo khi asi, cuti cun an mah um in an um ve tawp ko, Chin ram chung ah mi an buaiter, mi thil hna fir in an vak tiah ( Min langter sian lo) Zomi YMA hruaitu pakhat nih atu bantuk in arak chim mi asi.

A hmasa news ah khan CNA he zong vawihnih an ikap cang timi kong kanrak langhter ko cang kha mu! India acoyah nih lahkhah pek in Border Security ah an chiah asi ah cun zei ruang adah Chin ram chung ah mipi buainak an tuah? Kan ram mah tluk buainak karlak ah mipi thih le dam karlak ah harsa ngai ngai in an um lio ah ZRA hna nih atu bantuk in PDF/CDF/CNA an buai hna ding asi lo, ralring awk atha bak ko cang, tu hnu ah zeitin dah an cawlcang rih lai? Mah le mah karlak ah thir/hem thlaktu asi bak ko lai hih! Apoi ngai ko lai.