ZRA ralkap hna nih Tidim khua chung ah PDF camp an hrawh piak than hawi apoi ngai,

Myanmar ram chung hmun dangdang hna ah buainak achuak pengrih konak social media kip ah hmuhkhawh asi, mah lio ah media page ZALEN nih an tial ning ah cun naite ah khan avawi 2 nak asi cang ZRA nih Tidim PDF camp an hrawh piak than tiah report ah an langhter khi asi.

ZRA ralkap hna nih hin ahmasa May 22 ah khan PDF camp hi arak hrawh piak cang, camp chung ah a um mi thilri vialte hna, ei le din, facang siti ti bantuk hna hi an hrawh piak dih cikcek piak tiah thei asi, thil an hrawh piak mi hi tampi man asi tiah hruaitu pakhat nih achim.

Atu avawi 2 nak an hrawh piak mi ah hin an umnak buk le achung thilri tampi an hrawh piak than tiah thei asi, mah an thil hrawh piak mi hi ahmasa nak in aman atam lai tiah an ti, mah le mah atu bantuk in thil acing mi hi apoi kho taktak thil asi, kawlpawl nih an theih sin chap ah cun mualphonak phun khat asi.

ZRA nih Tidim khuachung PDF camp an hrawh piak mi hi Kawl news zong ah tial asi cang apoi ngai, mah le mah mualpho tertu bak asi ko, tu hnu ah hi bantuk thli hi um ti hlah selaw atha ngai ko hnga, thlacamtu in bawm hna usih.

Zei ava si zong ah kan Chin ram chung ah kawl ralkap hi kan duh lo bik asi tik lio ah mah le m,ah atu bantuk thawng kan thei tik ah lung anuam lo ngai ngai khi asi.

Burmese version in link