ZU kong hi atha maw tha lo timi hi mithiam tampi nih an tial kan tial tawn cang atu ah tlamtling deuh in aw?

ZU kong hi atha maw tha lo timi hi mithiam tampi nih an tial kan tial tawn cang atu ah tlamtling deuh in aw?

1.Bible-ah Zu amah hrim hrim hi Sual asi tinak a um lo, Hmansual/din sual a um tawn caah, fawrhfelnak bia belte cu tampi hmuh ding ah a um ko.

2.Zu din An mah chung ah tambik pawl cu riantuan huam lo Thatchiat ruang ah, rethei le harsatnak phantertu asi, Khrihfa hmasa hna nih khan anmah hna hmusit tu letang ah chiah tu mitha hna “Status Symbol” ah an ruah ruang ah khan, zu hrim hrim huatnak kha an thinlung ah a lian ngai mi asi.

3.Khrihfa Bu hna nih “Zu hi thilsual a si, Zu din mi cu hremhmun ah an kal lai” tiin fektuk in cawnpiaknak an ngeih mi kha/hi, cawnpiaknak diklo asi, vawlei ram dang Khrihfa bu hna nih cu bantuk cawnpiaknak cu an ngei ve lo.

4.Mah cawnpiaknak dik lo an ngeih nak chan hi Khrihfa hmasa hna nih, anmah hna hmusit tu le atangah chiah tawntu “Status Symbol Mitha hna” an nawl ngeihnak tang ah chiah khawh nak hmanrua than gai mi asi tiah an zum ruang ah “Zu” tha lo kong an cawn piak mi asi.

5.Hremhmun ah kal an tih taktak ruang ah tiah ruahnak ngei in, Tu hlan ah hawikawm tha inuamnak ah anrak hman mi “Zu” din mitha hna cu, Khrihfa ah arak lut ve hna kha asi.

6.Khrihfa ah arak lut mithar Mitha hna cu, ahmahnung an si caah biak in ipumnak zong ah, ahnu bik line ah anrak thu hna khi asi, ahmasa ah, Mi sifak dai kil-karlak ah um mi hna nih cun, pulpit in thawngtha bia chim in mithar mi tha hna cung ah uktu bantuk deuh khi arak si.

7.Atu tiang ah hin ei kawlnak lei ah riantuan niam deuh mi hna deuh nih pulpit hi an uk deuh phun in a um khi asi, Mithiam/Mifim/Mirum/Milian hna tu hi Biakin ahnu lei line ah thuhnak hmun asi deuh khi asi.

8.At bantuk in Khrihfa Bu ah hin mipi ruah ning ah cun, dirhmun sang ngeih le san tlai taktak in anrak hmannak hmarua pakhat cu”Zu” hi Khrihfa hruaitu hna nih nawlngeihnak kenkawh pimi hmarua rem cang hmannak zong asi, Mah cu “ZU Politics” kan timi cu asi.

9.Khrihfa Bu nih “Zu” cu Sual asi anti ruang ah, zumtu hna nih cun “Zu” cu sual-ah ruah lo awk tha lo khin an ngei mi asi, Tlang ram vawlei Khrihfa Bu ah cun “Zu” cu sual tiah arak si peng ko cang khi asi.

10.Minung zong amah tein a um ah cun, aho hmanh nih mifir, mi thah hmang, mi sual asi tiah kan tib al lo cu, mi athah hnu, thil afir hnu long ah pei mi sual kan ti ko cu, Cu nantuk thiam thiam in “Zu” amah hi sual asi hrimhrim lo, ahmantu hman sual/din sual ruang ah asi ko cu timi hi kan theih thiam ding biapi ngai ve ko.

11.Sual hi cu a tuah ning, zuar ning, din ning, ei ning zong ah tha khawh mi asi ti lo sual asi cia khi asi, Zu hi atha atha lo tiah a um kho lo, atuah tu, ahmangtu, adingtu, azuartu zong hremnak ah Zu tha le tha lo timi a um bal lo, A tuahtu nih duh am ruang ah hlawk an duh caah thil tha lo an telh ruang ah adintu hna nih Zu tha lo an din khi asi ve ko.

12.Mino-Youth tampi tuantein athihnak chan hna, hmeithai tampi arak umnak chan hna, Ngak tah tampi a umnak chan hna, hi Zu hrim hrim ruang ah asi lo, Khrihfa Bu nih Sual ah an canter ruang ah, Zu chia tampi arak umnak asi timi hi nan tuak tan bal maw?

13.Pi le pu hna san lio ah, Khrihfa kan si hlan ah khan, tlangcung miphun hna nih hin “Zu” hman ning anrak thiam bak khi asi, Zu-din hi minung nunnak achiatter bal lo, Zatlang nun abuaiter bal lo, Zatlang nun le personal nun nuamtertu deuh khi asi tawn, Zatlang nun tlamtlingtertu deuh khi asi tawn fawn sual ah an ruah bal lo.

14.A tu ah cun Zu hman thiam lo, din thiam lo, Zu tu nih ahman tu le adintu akan buaiternak chan cu, Khrihfa Bu hna nih “Zu hi thilsual asi tiah akan cawn piak pin ah, zu din cu hremhmun/hel ah an kal lai,” tiah cawnpiaknak dik lo akan cwan piak ruang ah asi.

15.Mah cwanpiaknak dik lo hi kan Khrihfa Bu hruaitu hna nih an thlen/change an tuah hlan ah cun, zu nih hin akan buaiter peng ko lai, akan buaiter deuh deuh ko fawn lai, Jesuh Khrih achuah hlan ah “Zu” arak um cang mi asi, mah san lio ah ahman/din mi hna kha sual siselaw hremhmun/hel ah an kal dih lai cu!

Cre: Michael