ZUALKO : Thantlang Kan Unaupa Van Lian Cin Nih Ruahlo Tuk In A Kan Thih Tak.

Thih Dar 24.1.2023 Thantlang Khua ,Siang inn Sang um mi, Tlangval Van Lian Cin -33(A Pa Pu Van Awi) nih Pawfah zawt nak in Nihin 24.1.2023 Niah ralzam in an i dor nak Mizo ram Sangau khua ah a kan thih tak. Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak in hnem ko hna seh.

Credit : Ram Khar

Tara Sutaria nih hin Film industry a luhnak asau tuk rih lo nain, Student of the Year 2 (2019) ah Tiger Shroff hna he anrak calcang lio in, mui dawh tamnak hmun Bollywood hrawng ah, an cawlcang ning ah hin tlangval hna long si lo in nutung patung mit thlam tiang arak lar cawlh bak ko, a mui dawh ning hi ‘common-lo’ bantuk in alang Sihmanselaw vawikhat cawlcang thatnak ruang ah, ram chung pumpi le vawlei tiang Mui dawh film star arak si.

Tu nai film industry ah lar ve ding ah cun, mui dawhnak lei ah mi mit lak a herh, thawngpang achia lei athat lei pakhat khat tal ser a herh ve, tu lio actress hna zong nih taksa lang tam khawh hnipuan aih hi an uar ngai cang fawn le, cu actress nih alerter pin ah amah hi a mui dawh ning hi adang ngai rua? Fans pawl nih social media lei ah anrak post ngai ngai fawn khi asi.

An rak uar biknak pakhat Bollywood actress pawl nih hin mipi hmuh a alang tam pin ah, hnipuan dawh actress ti bantuk hna hi asi ve fawn, Tar Sutaria zong hnipuan aihnak lei hi anrak uar khun, Kum 1995 ah khan India khuapi minung tamnak bik hmun Mumbai ah arak chuak mi asi, St.Andrew College ah Mass Media major lak in graduate asi fawn, hlasak thiam mi zong asi fawn, Disney tuah mi Big Bada Boom zong ah hla asa cang.

TV series lemcannak hmasa bik hi The Suite life of Karan & Kabir (2012) ah siin, Kum 2013 ah hin Oye Jessie ah a cang than, Kum 2019 ah khan film lei ah arak cang ve cang kha asi, Student of the Year 2 ah cangin hramthawh nak arak that ruang ah, ‘Zee Cine Award for Best Female Debut’ a ngah cawlh, mah kum thiamthiam ah hin Marjaavaan film ah a cang than in, Tadap (2021) hi mi nunnem a muisam ah sual le tangka duh Nungak bantuk in lem arak cang mi kha asi.

Student of the Year 2 ah a lem canpi Tiger Shroff he hin Heropanti 2 (2022) ah an 2 in an cang than, Heropanti 1 kha a atha tuk hringhran caah, peh peng asi, Ek Villain Returns (2022) zong hi Ek Villian peh mi thiamthiam asi than, Amah hi Parsi Zoroastrian chungkhar in achuak mi asi, Kum 7 asi lio tein man ngeiin hlasak arak thiam cang, atu ah cun Professional singer arak si bak ko cang.

India actress chung ah Hollywood ah aphan sang bik pawl asi manh, Hollywood film lar Aladdin (2019) ah khan lem cang ding ah thim chuah Finalist pahnih chung ah a tel khawh, Hi Fantasy film ah hin Princess Jasmine lem ah cang selaw tiah an ti hna, A film lem can than ding ah hin, kum 2023 ah chuak ding, Apurva timi hi asi, The Times nih Nu lei duh a nung mi le tlangval hna mit lak bik thimnak ah chung ah tel phak in, kum 2019 ah No.13 siin kum 2020 ah No.12 ah kai sang fawn.

XXX