2010 “Waka Waka (This Time for Africa).” World Cup lio hlasak thiam min thang le mui dawh fawn Shakira le Gerard Piqué Nupa zong ithen ding ah fiangte in phuan asi cang,
2010 “Waka Waka (This Time for Africa).” World Cup lio hlasak thiam min thang le mui dawh fawn Shakira le Gerard Piqué Nupa zong ithen ding ah fiangte in phuan asi cang,
Khuathlang lei ram News lian le lar kip ah thawng pang lar ngai ngai pakhat chuak than mi cu, Media tampi nih mah nupa karlak buainak kong ah bia tak tein an buaipi hnu ah, Barcelona defender Gerard Pique le a nupi Colombian hlasak thiam Shakira hna nih cun, nupa ithen kong fiang ngai in an phuang cang, mah ithennak thawngpang nih vawlei aden bak ko, An ithennak kong ah hin chim atam poh le mak/khuaruah har timi an tam bak ko, kum 11 chung nupa in a um cang mi asi, Spanish news outlet El Periodico hna nih an ithen kong hi arak phuang hmasa bik kha asi.
El Periodico nih a tarlan ning ah cun Gerard Pique hi a min chia ngai ngia khi asi, Gerard Pique nih hin Nungak dang lak ah Shakira hi phohpian/uire tak ruang ah, fiang ngai ngai in Shakira nih hin a tlaih/theihhngalh chuak khi asi, mah thil nih hin an karlak ah thuk ngai in rian atuan khi asi ruang ah hin an ithen phahnak zong asi tiah chim asi, Pique hi an umnak in chuak cang in Barcelona ah Muntaner bachelor house ah amah tein cac zei maw chung an um cang tiah news report ah langhter asi.
An ithen nak kong ah hin an pahnih in cathanh an tuah mi ah hin, an fa hna an zohkhennak ding kong ah ruah le ceih hmasa bik ah, a pawi mawh bik in an chiah kong an chim hna khi asi, mah lio ah hin an privacy cu upat piak ve ding ah nawl asi fawn, Cathanh an tuah mi ah hin an ithen nak achan hi akong felfai in langhter mi a um lo, mah tluk vawleipi ah hlasak thiam milar Shakira hi fans tampi hna nih an tuarpi nak kong Twitter hmang in message an kuat piak pin ah hnemhnak bia he an tuarpi ve ngai ngai ko tiah an langhter fawn.
2010 World Cup anthem ah “Waka Waka (This Time for Africa).” an promote nak ah Shakira le Gerard Piqué hna hi an iton mi kha asi, March 2011 ah an ikawm cang nak bia hi fehter asi, amah belte cu ning cang tein thit um puai an tuah lo khi asi, An pahnih nih hin fapa pahnih Milan 9, le Sasha, 7 hna an ngei manh cang khi asi, Nupa si hnu ah mipa nih atu bantuk in adawt mi a Nupi lak ah Nungak dang an va it pi cu, aho poh cung ah phan ding ah hin kan duh ceu lai lo bantuk in, Shakira zong nih alung fak ning le atuar ning achim hnu ah ngaithiam kho bak ti lo in atu bantuk in ithennak kong vawlei media hmai ah fiang tuk in arak phuang cang khi asi.