2022 FIFA World Cup “Qatar” Group Stage zong fixture tuah dih asi cang Asia ram 5 hna le Group umnak cu,
2022 FIFA World Cup “Qatar” Group Stage zong fixture tuah dih asi cang Asia ram 5 hna le Group umnak cu,
2022 FIFA World Cup group stage tuah dih asi cang, tu kum World Cup-ah group tha deuh pawl, Group of Death tiah chim ding a um lem lo, Champion lio France cu Group D-ah an um, FIFA world ranking thar bik ah pakhatnak dirhmun ngeitu Brazil cu Group G-ah an um ve fawn, England cu Group B-ah an um, an mah hi Wales or Scotland group khat ah um khawh dirhmun ah an dir.
Draw ngeih nak ah hin Qatar 2022 Official Mascot zong tlangzarh cawlh asi, Official Mascot min hi La’eeb siin, mah hi Arabic holh asi English nih cun ‘super-skilled player’ tihnak asi, Ram 32-nih World Cup hi an khel/suih lai, ram 29 fiang tein tling a um cang, mah spot pathum hna hi play off le inter-conference play off hmang in lut ding kawl asi lai, tling khawh chung ah Wales, Scotland, Ukraine, Costa Rica, New Zealand, UAE, Australia le Peru hna anrak tel rih khi asi.
Wales nih cun Scotland le Ukraine-ah acak mi pakhat khat he an itum than lai, Costa Rica nih New Zealand an suih than lai, UAE nih Australia vs Peru-ah acak mi pakhat khat he an suih fawn lai, mah hna suih ding mi hna hi June thla ah suih ding an si, World Cup dang ah an ti bal lo ning in, Tukum ah knock out stage suih mi hna kalpi asi lai, group stage hnu lei suih ding fixture afiang cang tiah a um lai lo, group stage an suih dih hnu ah knock out stage-ah suih ding hna nih me hnaih asi lai.
2022 Qatar World Cup groups:
Group A – Qatar, Netherlands, Senegal, Ecuador.
Group B – England, USA, Iran, Scotland/Wales/Ukraine.
Group C – Argentina, Mexico, Poland, Saudi Arabia.
Group D – France, Denmark, Tunisia, Peru/Australia/UAE.
Group E – Spain, Germany, Japan, Costa Rica / New Zealand.
Group F – Belgium, Croatia, Morocco, Canada.
Group G – Brazil, Switzerland, Serbia, Cameroon.
Group H – Portugal, Uruguay, South Korea, Ghana.
2022 Qatar World Cup hi November thla ni 21-ah kick-off a si lai, final hi December thla ni 18 ah suih ding asi, Game hmasa bik ah adawntu ram Qatar cu Group A-ah team dang pakhat he an suih lai, November thla ni 21 ah hin India ah zanlei suimilam 3:30PM-ah suih hramthawh asi lai, tukum World Cup suih lo ding chung ah, World Cup hrai dawh vawi 4 lak cang le European champion lio si fawn Italy hi an lang bi kasi, Italy hi kum 2018 zong ah khan World Cup suih ding in atling lo kha asi fawn cang.
Russia nih Ukraine athuat ruang ah Russia cu play-off in hlonh asi fawn cang, Norway an tling lo ruang ah, tu lio striker tha bik tih anung mi chung ah atel mi Erling Haaland cu World Cup-ah kan hmu lai lo asi fawn lai, Mohamed Salah nih World Cup suih ding ah hin Egypt ah an suih tling lo fawn, Nigeria, Algeria le Ivory Coast hna zong Africa ram in World Cup suih lo ding chung ah atel ve, South America in Colombia le Chile hna zong kan hmu lai lo fawn khi asi.
Cre: FIFA