America ram chung ah Indian mi zeizat dah an um? Atu ah hin State 7 chung ah Indian mi nih vote ngeih zat hna cu,

Survey ah an tarlan ning ah cun “Indian American atu ah  US ah khuasa lio hna nih hin, India ram ah chungkhar le hawi tha tampi ngeih mi hna an si, mah hna nih hin India ram zong an ram bantuk in an ruah pin ah atu an umnak America state dang dang hna ah hin an ram bantuk in lungput angeih fawn khi asi, atu ah an umnak state kip ah hin America mi le sa bantuk in vote ngei mi asi caah, Former President Trump nih cun India mi hna hi anrak humhim ngai tawn khi asi, India mi hi atu ah state dang dang hna ah tampi an um ko, nain atu ah an umnak tambik state hna 7 chung ah vote ngeih cang mi hna cu,

Indian American vote ngeih  tamdeuhnak state hna cu:-

Florida                         –  190,000

Michigan                      –  120,000

Pennsylvania               – 170,000

Georgia                        – 150,000

North Carolina            – 110,000

Virginia                        –  165,000

Texas                           –  470,000

Mason le a tuanpi mi hna nih survey laknak ah an hmuh ning le Indian American pawl nih hin, Democratic Party an vote pin ah 50% hrawng nih cun Trump an vote tawn tiah thei asi, Cun mah state 7 hna pin ah hin state dang hna zong ah vote ngei mi le US citizen ngeih mi tampi an um fawn khi asi, atu alang mi state hi an um tambiknak asi caah register ning in langhter mi asi, America Indian hna hi thiamnak lei zong ah asang ngai ve ko, technology lei ah an thangcho ngai ngai hna, University ah siang in kai mi zong an tam ngai fawn, department kip ah Officer riantuan mi zong tampi an um cang hna khi asi.

India le US hi Kum 2021 ah khan Trump-Modi hna relationship hi arak tha ngai ngai khi asi, Dr Anand Tamhankar, physician, New Jersey nih India le US karlak relationship nih hin ram 2 tuantinak long si lo in Economy lei zong ah kan thangcho khawh ko lai tiah achim ve bak kha asi, nain Democrats Biden – Harris nih campaign pamphlet pakhat ah India ram chung, Kashmir, CAA Indian American Hindu pawl lungthin afakter ngai ngai khi asi rua, Harris nih hin Jammu & Kashmir ah India acoyah thil tuah mi cu minung diknak le covo upat lo nak asi tiin a chim, mah bia chim mi nih hin American Indian hna lungthin faktertu asi tiah The Economic Times nih alnghter mi asi.

Source :The Economic Times