Atu lio vawleipi hi buainak atam deuh deuh ko cang Group of Twenty (G20) ram dirhmun zei tin dah??

Group of Twenty (G20) hi intergovernmental forum asi, ram 19 le European Union (EU) an tel hna, Global economy lei thil dang dang pin ah, international financial stability, climate change mitigation le sustainable development-hna hi an buaipi bik mi asi, Member ram hna cu- Argentina, Australia, Brazil, Canada, China, the European Union, France, Germany, India, Indonesia, Italy, Japan, Mexico, Russia, Saudi Arabia, South Africa, South Korea, Turkey, United Kingdom, le United States hna an si, Spain cu permanent guest invitee arak si.

G20 hi vawlei cung ah economy lian ram hna le, industrialized le developing nation-hna an si, Mah hna nih hin gross weld product (GWP) in 90% hrawng, interational trade-ah 75-80% tel in, vawlei mipi hmun thum ah hmun hnih hi asi, mah hna ram nih ancawlcangnak chung hi vawlei land area cheu hrawng atling fawn, Ram dang dang han economy dirhmun tlakchiat ruang ah hma lal ding in, kum 1999 ah khan G20 hi dir a si, Kum 2008 in mah group nih hin kum khat ah summitt vawi khat ngeih tawn asi, member ram acoyah lu bik finance minister, foreign minister le high-ranking official dang hna tel asi.


EU aiawh in European Commission le European Central Bank an tel tawn, Summit-ah hin member asi lo mi ram dang hna pin ah, international organisation le non-governmental organisation-hna zong sawm in tel ter tawn asi, mah lio ah hin summit ngeihnak ah hin anti-globilization group nih duh lonak an langhter ve fawn, G20 hi permament secretariat le staff um lo in kalpi asi, Group chairman sinak hi kum fatin tein member ram hna chung in tlaih tawn asi, regional group dang dang in a thleng tawn, cu ti cun tlaih tawn asi, Chairman lio nih cun term chung in temporary secretariat a dirter asi, mah hna nih riantuan le meeting-hna abuaipi ko, atu ah hin Italy nih chair a tlaih lio asi.

G20 summit hi tukum October 30-31 ah hin Rome, Italy-ah ngeih a si lai, 2022, 2023 le 2024 summit-hna cu Indonesia, India le Brazil-ah ngeih asi lai, Kum 2020 Summit kha Saudia Arabia-ah ngeih ding asi, nain Covid-19 ruang ah kum November 21-22 ah khan Saudi Arabia president-nak tang ah virtual hmang in ngeih asi, Spain cu member asi lo nain, permanent invitee a si ruang ah summit-ah hin telter tawn asi, mah pin ah hin ASEAN chairman si lio Africa ram pahnih (African Union chair si lio le New Partnership for Africa’s Development (NEPAD) aiawh sawm asi, president dirhmun tlaih lio nih cun an region chung ah ram dang hna asawm ve tawn.

Kum 2010 in summit pin ah G20 ministerial-level meeting zong ngeih tawn asi, kum 2011 le 2012 ah khan Agriculture ministerial meeting ngeih asi, 2012 le 2013-ah foreign minister meeting, 2012 le 2014-ah trade minister meeting ngeih asi, Kum 2010 in kum fatin employment ministerial meeting ngeih asi fawn, mah G20 ram hna nih hin vawlei ah economic chiat lonak ding ah, economy thangchonak ding ah rian an tuan bik mi asi, ram sifak mi le dawm thlainak hi asi, tu hlan ah kawlram zong sawm in an tel ve tawn nain ralkap uknak asi hnu ah cun an sawm bal ti lo khi asi.