Beijing Olympic-ah N. Korea tel atim lo, Britain, Australia le Canada-hna zong nih an ram sport man hna cu kalter an timh lo tiah,

North Korea nih tukum ngeih ding mi Beijing Winter Olympics-ah tel an tim lo tiah achim, an tel duh lohnak chan cu Covid-19 hri karlak ah le an ram ral hna he hmun khat ah va tel cu ahim tuk lai lo ah aruah, United States le an tuanpi mi hna nih mah spport hi, tlamtlingter an duh lo ngai ngai tiin state media nih Friday ah khan an phuan, North Korea-ah Olympic Committee le Ministry of Physical Culture and Sports nih China le Beijing Olympics organizing committee sin ah cakuat in, sport nak ah atel duh lo hmanh ah kalpi thiamthiam ding ah aduh tiah tial in KCNA news agency nih alanghter, Nikum Tokyo Olympics-ah khan an ram ah sport nak ah khan sport man hna an kalter lo ruang ah khan North Korea hi International Olympic Committee (IOC) in 2022 tiang suspend an si.

Kan ram sport man hna dirhmun cu ahim lo ah an ruah caah le atu lio vawlei huap in zawtnak hrik atam caah Olympic-ah hin kan tel khawh lai lo nain, kan tuanpi mi China cu an ready ngai ngai ko timi ka theih ah Olympic festival tlamtling le ropi ngai ngeih asi khawhnak hnga ka support peng ko ati, United States le an tuanpi mi hna hmalak nak cu soisel in, “Olympic Charter boruak le China upat lo nak le vawlei hmai ah mualphoter timnak asi tiin atial, N Korea nih hin nikum December ah khan White House nih China-cu human rights upat lonak le an hmalak nak cu duh loin, US acoyah official-hna nih cun kum 2022 Winter Olympics cu boycott an duh tiah anrak phuang kha asi, mah lio ah hin ¬†US sport man hna cu zalonte in Beijing-ah hin an kal sianh pia kasi ati.

Britain, Australia le Canada-hna zong nih an ram sport man hna cu kalter an timh lo tiah an chim, “US le an tuanpi mi ram nih cun, China-nih tlamtling tein Olympic an ngeih khawh lo nak hnga asi lo lei in rian an tuan tiah ati, tlam atling deng mang tiin North Korea nih an cakuat nak ah atial, N Korea nih hrik zawtnak ruang ah vawlei abuai lio hmanh ah khan General Secretary Xi Jinping hruainak tang ah tlamtling tein sport an tuah khawh tiah ati.