Chin TV group hruainak tang ah Myanmar ralzam hna Mizoram acoyah le NGO’s mipi hna nih anrak dawmthlai ruang ah lawmnak biachim cang ngeih asi,
East Tuipui bialtu MLA Ramthanmawia nih cun Burma ah mipi acoyah dirthan khawh tiah beisei tlat asi tiin achim, Chin State Chief Minister Salai Lian Luai nih”Covid-19 zawtnak hrik ruang ah kan buai ngai ngai lio ah, Mizoram acoyah, Biaknak lei, tlawmngai pawl NGO’s le Mizo mipi hna nih kan harsatnak akan theihpi ruang ah akan buaipi nak vialte ah lawmnak bia chim can kan ngei tiah ati.
Aizawl: East Tuipui bialtu MLA Ramthanmawia nih, “Burma ah um kan unau Zohnahthlak hna he Unau kan sinak ah aho te hna hmanh nih tlauter phun in chim khawh asi lo ati, Nizan ah khan Dawrpui Multipurpose Hall-ah Chin TV huaihuatnak nai deuh ah, Myanmar ralzam hna cu Mizoram acoyah, NGO’s le mipi nih anrak zohkhen ning ah lawmnak bia chim lo awk tha lo asi caah, lawmnak bia chim can ngeih asi, Biachimtu East Tuipui bialtu MLA Ramthanmawia nih Mizo mipi hna nih harsatnakan ton lio ah, Myanmar mipi hna nih dawt ngaingai tein anrak zohkhen taw nasi tiin achim, “Mizoram buai ruang ah Mizo tampi Burma ah an kal/kai ve hna, mah hna hi dawtnak taktak in anrak zohkhen khi asi, Atu ah Myanmar lei kan unau hna nih harsatnak anrak ton ve ngai ngai caah, mah bantuk can ah bawm khawh in kan um hi lawm awk ngai ngai asi tiah ati.
Myanmar ralzam hna caah Chief Minister Zoramthanga nih asi khawh chung in, central nawlngeitu hna nih ralzam mi hna, push back ding ah an ti zong ah aduh bak lo tiah chim in, MLA Ramthanmawia nih, “Covid-19 zawtnak le ralzam buaipi ding ah hin Chief Minister Zoramthanga hi arak tha bik ko, mah hna tuah ding ah hin Pathian siti toih asi, CM Zoramthanga tluk ding hi mi dang an um lo ati fawn.
Chin State Chief Minister Salai Lian Luai nih Myanmar buainak cu can asau rih ko lai tiah chim in, Kan buainak hi thla 2/1 ah tha ding asi lo, mahr uang ah cun Mizo mipi hna zong nih nan kan neng sual lo nak hnga, adongh tiang na kan buaipi lawlaw ding in kan nawl hna ati, Ralzam chung ah khawtlang/zatlang hna caah hnahnawhnak le buainak a um sual khawh, mah can lio hna ah Pathian min in na kan dawh piak hramhram nak hnga tiah nawlnak bia achim fawn.
Chin TV lei nih hin ralzam hna zohkhennak le an buaipi nak poh ah anrak tuan than gai ngai ruang ah tiah, Chief Minister office, Central YMA, MJA, MZP, ZORO, MRRCM hna sin ah, lawmnak langhter nak ah thil pek tlawmte he Chin TV Group ai awh in an langhter tiah report ah langhter asi.