Commonwealth Games 2022 Birmingham adih Medal lak zat le 2026 kum commonwealth Games cu Australia ah,
Commonwealth Games 2022 Birmingham adih Medal lak zat le 2026 kum commonwealth Games cu Australia ah,
CWG hi kum 1930 in hramthawh in kum li dan ah tuah tawn mi asi, (1942 le 1946 hna ah hin ralpi idohnak ruang ah tuah khawh lo asi), A hramthawh ah cun “British Empire Games” tiah an ti, a hnu ah a min hi vawi thum an thlen cang, Commonwealth Games timi hi kan hmang zulh peng kha asi, CWG ah hin British nih arak uk cang mi ram, 56 hna cu member an si lio khi asi, CWG Association 72 an um ve lio fawn khi asi, 2026 ah hin ram pahnih Togo le Gabon hna hi arak tel ve khawh chih ding ah beisei asi.
Commonwealth Games – 2022 cu a dih cang Birmingham, England nih than gai ngai in sambaunak um lo tein anrak zohkhen khawh khi asi, Australia cu medal 178 bak lak in a pumpi ah pakhatnak an si, Commonwealth Games (CWG) vawi 22 nak ah hin India nih medal 61 lak in pali nak dirhmun asi,
Medal lak tambik ram pali hna cu, Gold, Silver, Brown hna cu:-
- Australia -(G-67, S-57, B-54)=178
- England -(G-57, S-66, B-53)=176
- Canada -(G-26, S-32, B-34)=92
- India -(G-22, S-16, B-23)=61
India hi 1934 in arak tel ve mi asi, India nih hin medal 502 (G-181, S-173, B-148) lal ve cang in, kum 2010 New Delhi ah an ngeih lio ah khan an cawlcang that bik can asi, mah lio ah khan medal 101 lak in pahnihnak asi, tukum hi India aiawh in Mizo tlangval pahnih an tel khi asi, medal anlak veve hna, Jeremy Lalrinnunga le Lalremsiami hna hi an kal pengnak ding ah thlacampi hna uhsih, lawmpi phu bak mi asi.
Kum 2026 CWG ah cun Australia ram ah hngat than ding asi, vawlei ram hi abuai lo ah cun tukum nak in boruak anuam ngai ko cang lai tiah an zumh hna, 2026 kum Australia ah hin Date 17 – 29 March, 2026 chung in Australia, Victoria state chung ah khuapi pali hna nih CWG an ihngatter ding asi lai, CWG hi tuah hramthawh asi hnu ah, Australia ram nih hin aram chung ah ahngatter tambik cem asi cang, India nih vawi khat 2010 kum kha asi, Australia nih hin 1938, 1962, 1982, 2006, 2018 hna ah aram chung ah hin CWG hi hngatter asi cang, 2026 ah aram chung ah hngatter than ding asi ah cun CWG hi vawi (6) aram chung ah tuahter asi cang tinak asi lai.