Cu Tluk Bawi Thiang Bik Hla Thar Dawh Khawh Cu (VIDEO).
Cu tluk Bawi Thiang Bik hla thar dawh khawh cu. Tutan hlathar a sak mi cu a sipisial kho tak tak si. Tutan Bawi Thiang Bik nih Pathian thangthatnak hla thar a sak mi hi “Ka nunnak hi” timi hla asi. Hi hla hi Salai Sui Bawi Bawitlung nih a phuahmi hla a si. A hla bia zong a tha kho tak tak si.
Salai Sui Bawi Bawitlung nihcun “KAN NUNNAK HI, Mah hla ka phuah duh nak chan cu,zumh nak tel lo in thil ttha kan tuah mi hna hi Bawipa hmai ah chuah pi ngam ding an um lo, Pathian nih a kan hlanh mi kan Nunnak le kan thaw, Kan muidawh nak, kan pum rua tthat nak, Kan fim thiam nak, kan hlasak thiam nak, kan aw tthat nak, kan caw va vial te hna hna hi i phorhlawt pi tlak zei hammh an um lo, Pathian nih a caan za a ti ah cun one second te lawng a si ko, kan nun cung caan tawi teah dawtnak langh ter hna u sih!” tiah a chim.
A tang bak video kan van thlah mi hi Bawi Thiang Bik nih hla thar a sak mi “Ka nunnak hi” timi hla a si. Bawipa sunparnak caah si hram ko seh.
VIDEO https://www.facebook.com/100083696505140/videos/883962049650895
Credit : Salai Sui Bawi Bawitlung
Atu ah fonh timh ti hna hlah, thisen a luang kho.
Hriamtlai phu tam tuk ahcun mah le mah i thah lengmang a hau te lai, tihnung tuk, kan innpa Nagaland le Manipur khi India cozah doh ti loin anmah le anmah an i thahnak ah an caan dih timi hi CNF nih fiang ngai in an rak hmuh cia ko lai dah. KIA cu an i fian caah ‘hriamtlai phu ser bak hlah u’ tiah warning an rak pek colh kha.
CDF phu an rak ser hlan hrim ah ‘ser hlah u, kanmah sin ah lut u, CNF tu hi a herh ning in kan remh lai’ tiah CNA nih meithal thazaang in an rak kham cang awk cu a si. Atu cu an control kho lomi fa tam tuk an hrin cang, CNA nakin auto meithal tha deuh an ngei cio cang fawn. CNA lila kha a singkhaw ngammi an tam cang.
—Meithal tha an ngei hnu ah CNA ah lut than ko u tiah forh khi cu molh tuk bia a si. Zeitin an luh duh ti hnga? Kum hnih chung bawi tuan hnu ah Victoria camp i zuzu va tuan than ding cu a hrutmi hmanh nih an huam lai lo, thih an ngamh deuh lai.
Auto meithal an ngei cang hnu cun duh zong duh lo zong ah zeibantuk hriamtlai phu poah kha ai ruang in upatnak pek ve an hau cang. Nek le thleidan a ngah ti lo. ‘CNA ka si hih’ tiah aanaa(power) piah a ngah ti lo. I nek sual ahcun phung-pheng a puak colh ko lai. Auto meithal ngeih cio hnu cun i tih timi a um ti lo cu ta.
Buainak a zor deuhnak ding le miphun thisen a luan lo nak ding caah cun phu khat cio hmunhma i upat cio a hau, hmunhma i chuh le i nek bak lo a hau. Hramhram in fonh timh caan asi ti lo, a phi chuak lai lo— kan miphun thisen lehlam a luang lai. Kan i ralrin taktak a haumi asi.
Credit : The Chin Post