Cu Tluk Pu Bawi Thiang Bik Hlasak Thiam Khawh Cu (VIDEO Thar)

Pu Bawi Thiang Bik hi cu hlasak a thiam tuk hring hran ko mu, uar lo awk hrim a tha lo eh. Tutan hla thar a kan sak piak mi hi Salai Sui Bawi Bawitlung nih a phuahmi a si i, “Liannganbik Bawi” timi hla a si. A thiam tuk ning cu a mak kho tuk, a aw siseh a sang tak tak fawn. A tang deuhah a video um lai. Bawipa Sunparnak caah si hram ko seh.

Liannganbik Bawipa,Ka hla thar ngai tthan hna u sih, Pathian nih hin a fa le Laimi hi a kan dawt tuk ko dakaw, lung dong lo tein Bawipa sin ah thlacam ko hna u si, a kan zaangfah caan a phan te ko lai, Mah ka hla hi ka duh tuk mi zong a si i thazaang la tti hna u sih,” tiah a phuah tu Salai Sui Bawi Bawitlung nih a chim.

VIDEO  https://www.youtube.com/watch?v=Np914rwXK3I

Credit : Bawi Thiang Bik

SAC Ralkap Sakhan Hmun 5 cu KNLA le Ṭangṭi Phu Hna Nih An Laak

The Chin Post 8 June 2023June 6 Zing suimilam 4:00 in 7:00 kar ah KNLA le tangti phu hna nih KNU Kaw Htoo Lei hmunram, Mu khuakomh le Leido khuakomh chung um SAC ralkap umhmun khuarnak sakhan 5 cu an laak i, an hrawh dih lengah SAC ralkap eidin phorhnak hlei 3 zong an hrawh, tiah KNU nih an thanh.

KNLA nih an laakmi SAC ralkap sakhan 5 hna cu Yedwinkung sentari hngahnak sakhan, Nattankwin Palek sakhan, Kunchaungwah nichuahlei BGF sakhan le Tadaw sakhan hna an si i, an hrawh mi hlei 3 cu Nattankwin hlei, Ungnyepyin le Nwaypyin kar hlei, Htarsi le Htarsung hlei hna an si.

Kahdohnak ah hin SAC ralkap in 40 an thih pin ah 12 hliam an tuar, KNLA lei in minung 4 an nunnak a liam i, 13 an i hliam. KNLA tangti phu hna nih hriamnam zeimawzat le phaisa zong an laak, tiah KNU nih cun an thanh.

KNLA le tangti phu hna cu SAC Sakhan an lak lio ah Jet Fighter in voi 3, raltuknak helicopter in voi 6 a kah hna lengah SAC ralkap nih Sittaung tiva nitlaklei in nichuahlei khua hna ah hriamngan pehtlaih in an kah.
Hriamngan kahnak ruangah KNU Leido khuakomh in khuate 6 le KNU Mu khuakomh, khuate 5 in minung 4508 cu ralhrial in an zaam hna.

June 7 zing suimilam 8:15 i an hrawhmi Nattankwin hlei le Palek sakhan ah a rak phan ṭhanmi SAC ralkap hna nih, Nattankwin um khuami a zaam lomi pawl cu hramhram in an ṭhialter hna, tiah Karen National Union nih cun anmah facebook page ah an taar.

Credit : The Chin Post