India Women’s Hockey team ah atel ve mi Mizo Nungak Remsiami nih Insaknak ting 11 or Car cawknak ting 5 pakhatkhat tal an hmuh kho hnga maw?

Nungal Remsiami hi Mizoram in India ai awh in, Indian Women’s Hockey team ah khel tha bik dirhmun ah adir lio mi asi, amah hi an history tawi akong kanrak tial cang bantuk in, Hockey team arak joint hnu ah tangka hmuh mi hi, an chungkhar le an nau lei hna zong siangin kai khawhnak tiang an tum piak khawh cang khi asi, pathain nih an cawlcangnak ah hluachuah an pek ngai ngai timi alang ko.

Gujarat ah Sui le Ngun Gold zuar in sam dawng atuah tawn pa mirum asi mi, Savji Dholakia nih atu Olympic 2020-ah India women Hockey Team players hna cu, medal anrak lak khawh ah cun In saknak caah, Rs-1,100,000 ting 11 maw Car cawknak caah, Rs-500,000 ting 5 an pek lai kong arak chim khi asi.

Mah bia hi tuesday ah khan amah Twitter account ah langhter in, players hna fawrhfelnak bia asi fawn tiah a chim, In saknak caah ting 11 maw, In ngeih cang mi caah, Car cawknak caah ting 5 an pek ding kong arak chim khi asi, Gold, Silver maw Bronze maw achim lo nain “Medal anrak ngah ah cun” tiah an langhter ruang ah medal hrimhrim anrak ngah ah cun lawmnak thil pek apek lai tiin alang ko.

Nizan zan lei ah Semi-final khel nak cu zohnuam bak ko, amah belte cu India hi Argentina lak ah 1-2 in an sung ko, Bronze medal icuh nak ah teinak an hmuh ah cun mah thilpek mi cu an ngah ding dir hmun ah adir ko, Friday ah khin Great Britain he Bronze medal hi an icuh lai, Remsiami caah Olympic medal beisei ding a um rih ko, teinak an hmuh khawhnak hnga thlacam in bawm hna u sih.