Japan nih Millimeter khat tling lo in spain tein Germany atlak ter, Khawizei ram nih dah World Cup an tlunpi ngha 2022??

Khawi zei ram nih dah World Cup an tlunpi ngha 2022??

2018 France 2014 Germany 2010 Spain 2006 Italy 2002 Brazil 1998 France 1994 Brazil 1990 West Germany 1986 Argentina 1982 Italy 1978 Argentina 1974 West Germany 1970 Brazil 1966 England 1962 Brazil 1958 Brazil 1954 West Germany 1950 Uruguay 1946 not held 1942 not held 1938 Italy 1934 Italy 1930 Uruguay

Millimeter khatin Germany an tling ti lo, 3rd December 2022 FIFA World Cup vawi li champion cang mi Germany-nih Costa Rica 4-2 in a tei ko hmanh ah, second round luh khawhnak asi lo, Khat lei kap ah Japan-nih Spain 2-1 in an tei bak kha asi, Hansi Flick-pawl cu dawh ngai in an tla ko, Football ram ropi tiah chim asi tawn mi, sawi Germany hi kum li liam can ah khan, Russia ram ah South Korea tei lo in first round-ah an tla cang kha asai fawn, Qatar-ah Japan tei lo in an mual pho than cang.

Group match hnubik suih hlan te ah khan, ram pali Spain, Japan, Costa Rica le Germany-hna cu, tling khawh dih dirhmun asi, Khalifa International Stadium le Al Bayt Stadium suih ding an si, Germany caah second round lut khawh ding ah goal ruk an luhter a herh, nain Costa Rica-nih knockout stage luh beiseinak an ngeih ve ruang ah, goal ruk luhter cu thil har ngai asi, mah ruang ah Germany nih hin Spain bawmnak an herh, La Roja nih hin Japan lak ah point khat an hmuh ah cun, Flick-pawl caah  goal 2 tal cak a herh kha asi.

Sihmanselaw Spain nih Japan lak ah goal 2 luhter cu chim lo in, an mah leitu ah Japan nih goal 2 an luhter daih kha asi, cu ruang ah Germany caah Costa Rica kha 4-2 in an tei ko hmanh ah luhnak chance an ngei khawh ti lo, 2010 World Cup champion Spain- nih Japan lak ah goal an luhter hmasa ko nain, ahnu ah Japan nih goal 2 an luhter daih kha asi ruang ah Germany sungnak ah atla ko cang kha asi.

Blue Samurai goal 2 nak nih chim a hlawh ngai ngai ko hmanh ah, Minute 51-nak ah Kaoru Mitom nih ball-nih line a lonh deng mang (?) ah cross let asi, Ao Tanaka nih goal-ah a canter cawlh, Hi goal hmang in Japan-nih second round an lut khawh, Germany cu an tlak phah, Millimeter khat cu Football dan/dun ah hin ball pumpi nih line a lonh long ah pelh ‘out’ ti asi, ball tanglei nih line alonh deuh ko hmanh ah, ball puar llei nih line a tong phak hrimhrim ah cun out lo asi.

Mitom nih ball a suih lio ah khin angle tamdeuh lei in zoh ah ball-nih line a loncang bantuk in a langko hmanh ah ball pumpi nih line a lonh dih lo caah goal ah pawm piak kha asi, VAR hmangin bia tak tein ball umnak zoh dik asi, a cunglei in zoh ah cun ball nih hin line a lonh dih lo in alang ko, mah ruang ah cun Ball le line karlak tehi centimeter khat zong a tling lo in alang kha asi.