Japan Tokyo Olympics ah Men’s Football Semi Finalists ah tel mi hna thei khawh asi cang,

July 31, 2021 nihin ah khan Tokyo Olympics 2021 Men’s Football quarter final an suih lio mi cu adih cang, semi final lut ding mi hna cu thei khawh asi ko cang, zei ram hna dah final lut khawh?

Spain nih 5-2 in Ivory Coast an tei, acan chung ah khan 2-2 in draw asi, Eric Bailly goal cu Daniel Olmo nih Spain caah an cham, 90+1 ah Max-Alain Gradel nih Ivory Coast caah goal aluhter than, mah ah hin Ivory Coast cu teitu asi cang lai kan ti lio ah, 90+3 mins-ah Rafa Mir bih Spain lei ah luhter than in 2-2 in acan chung ah draw asi.


Extra time suihthan nak ah khan, Mikel Oyarzabal nih penalty goal hmang in Spain nih hma an hruai, Rafa Mir nih goal hnih dang an luhter than caah, hattrick atuah khawh, 5-2 in Spain nih teinak an ahmuh.

Japan nih penalty shootout hmang in New Zealand an tei, acan chung ah khan goal a lut lo, extra time-zong ah goal a luh lo ruang ah, penalty shootout hmang in Japan nih teinak an hmuh, Japan nih hin 4-2 in an tei khi asi.
Brazil nih cun Egypt goal khat in an tei, goal lut mi cu 37 mins-ah Matheus Cunha nih aluhter, Matheus Cunha-nih goal hi atu tournament-ah cawlcang ning tha ngai tawn mi Richarliso-cu assist khum asi.


Mexico nih acan chung ah 6-3 in South Korea an tei, Mexico caah Henry Martin le Francisco Cordova-hna nih cun goal hnih luhter in Luis Romo le Eduardo Aguirre hna nih goal khat ve ve an luhter, South Korea caah Dong-Keyong Lee nih goal hnih a luhter pin ah Ui-Jo Hwang nih goal khat a luhter ve fawn.
Semi final-ah alut mi hna cu, Mexico le Brazil hna an suih lai, Japan le Spain an suih lai, Semi final hi August ni 3-ah suih ding asi lai.