Khuaruah har bik mi dawtnak cu kathih hlan tiang philh ni can ka ngei lo “Women wing” nu huap in, Sayamah Ms Ann Taylor le student kum 14 cu,

Khuaruah har bik mi dawtnak cu kathih hlan tiang philh ni can ka ngei lo “Women wing” nu huap in, Sayamah Ms Ann Taylor le student kum 14 cu,

Ann Taylor- cu Greentowm school ah appointment thar ngei in cawnpiaktu Sayamah nih a rian a joint ni hi,  kum 24-nak a hman lio khi asi, mah siangin ah cun student hna chung ah pakhat, Bob-timi cu kum 14 long asirih mi a um ve, Sayamah cu mithar asi ko hmanh ah arauh hlan ah, an Siangngakchia vialte hna he an itheih ve dih cawlh khi asi, Ann Taylor-cu ngakchia hna nih biakchawnh nuam tiin an duh ngai ngai hna khi asi, Siangngakchia hna nih an sayamah cu zei maw present pek hi an duh ngai ngai ceu khi asi.

Cu sayamah cu amui sam le a umtu ning hna ah hin duh anung ngai ngai mi le polite tuk mi biakchawnh thiam le thinhun muisam hi a keng bal lo mi asi, thal can thli kik le nunnem tawidawt nun ngei asi pin ah apawng ah hin amui hmuh hmanh ah hin lungthin vialte tiang tha adamter cemcem khi asi, mah sayamah cu ngakchia vialte hna zong nih an cawnpiaktu nu mui an hmuh ah hin tha damtertu asi tiah an chim ceu peng khi arak si, Siangngakchia hna vialte nih siangin kai, cacawn hi nuam an tin gai ngai hna pin ah aho hmanh nih siangin kai absent an duh bak lo ceu khi an sit awn, an sayamah mui hmuh hrimhrim khi nuam an ti ceu khi asi an ti.

Siangin an kal hramthawh te ah Siangngngakchia hna he introduce nak cu blackboard-ah a min arak tial piak khi asi, mah mui itheihternak an tuah hnu ah cun, an siangin room boaruak hrimhrim cu adang ngai tiin an theih cawlh khawh khi asi, Ngakchia pakhat harh ve ngai mi cawlcang peng fawn hi a um ve amin cu, Bob-asi, Bob zong nih an sayamah thar duh anungtuk mi ahmuh ah cun, thlalang ong ah paper an hlonh ding mi kut ah aken lio khi asi, paper ken mi cu cabuai tang ah duhsa tein athlak kha asi, cun nuam tein ca acawn ve bak ko.

Zan lei bannak can aphan ah cun ngakchia hna cu an chuak hna, Bob-nih cu ti bur keng in arak titawn bang in blackboard cu hnawh atim than, an sayamah Ann Taylor nih cun, “Ziah ti khan na ti?,” arak ti cawlh ve, Bob-nih cun nathiam lo deuh sual ah tiin, “Miss, blackboard hi athurhnawm ngai cang.. karak tuah hmasa lo ruang ah apawi ka tingai tiin achim, Ann- zong nih apawi lo e tiin ni-pah in a leh ve, Bob-zong nih phur/thatho ngai ngai in thiangte in Blackboard cu a hnawh dih ve kha asi.

A thaizing ah cun Bob-cu school kal ding in achuak, Sayamah Ann Taylor in hlannak pawng aphan lio ah cun, Ann-zong school kal ding arak chuak ve lio ah ahmuh ve Hey Bob mah hi asi ka in cu, na cabu kha karak ken piak lai cu! Tiin, Bob-nih e asi lo..kalawm ngai tiin a leh ve, Zeihmanh chim ding an ngei lem lo, Ann-nih cun Bob-cu ngakchia duh anung mi le nuamte in a um khawh tawn phun in atheih, School an phan hlan deuh te ah cun, Bob-nih cun “Mahka ah hin kava pel ta lai, Ka hawi hna nih an theihthiam lo sual lai tiah ati “Kei zong ka zum deuh” tiah Ann-zong nih arak ti ve ko lai cu ti” tiin ati ve than, Ann-nih cun “A si ve ko, nain, Bob…ithen rih phawt ko sih”tiin a kal tak ve.

Zarhnih chung cu Bob-zong nih siangin ah tha tein akal ve ko, a holh atam lo ngai, School ban ah daitein blackboard thiangte in ahnawh than, mah hnu ah cun ahnu bik thutnak ah thu in, Ann-nih midang ca acawn piak lio cu Suimilam 5:00PM tiang arak hngah tawn khi asi, Ann-nih ati ding mi adih ah cun luchin le angki lum hna cu tha tein arak lak piak le ava bawm tawn khi asi, an tlun lei ah lam kal pah in thil dang dang hna chim in nuam an ti khawh ngai ngai ko khi asi.

Vawikhat cu Ann-nih Bob-sin ah cun, “Bob- Napi tling can ah zeidah sin a tim? tiin a va hal khi asi, Bob-nih cun “Catial mi si ka tim” tiin “A va tha ve, Na thil tim ropi tak mi asi cu” tiin daidep in an um veve khi asi, bob-nih cun, “Miss Ann, thil pakhat naka tuah piak khawh lai maw?” tiah“ Tuah kho ding phun asi ah cun si ko cu”tiin, Saturday zan lei ah hin Tidil kam ah kal tawn in, cak-ai le kaikuang kan tlaih tawn khi asi, Nuam nati ve ko lai kazumh, na ra ve kho lai maw?” Bob, ka manh lai lo achan cu rian ka ngah deuh khi asi tlat le” ati.

 

Bob-nih cun asawm than Ei/din ding hna zei maw kan ken lai-I, na ra duh lai maw?” tiah Bob-nih cun ati nawlh than khi asi, Ann-nih cun “Bob- ka lawm tuk hringhran ko, zeitik can ah maw karak ra te ko lai” tiah a ti ve than, bob-nih cun, “Rak Sawm mai ngam ding cu kasi lo na tein! Ti ko” tiin” “Si lo, Bob-zei ca hmanh zong ah naka sawm mi cu athiang ko e” Nichiar in an ihmuh ruang ah cun Ann-nih cun Bob-cu amah kawm ti lo ding ah chim piak mai kha aduh twan, nain harsa ati ve bak fawn khi asi.

Bob- a tel lo ah cun amah hrimhrim zong cu a khua ahar ve bak ko cang khi si, School chung zong ah ngakchia dang hna bantuk cun, azoh ning kha asi ti lo, Bob-nih blackboard ava hnawh lo hna ah hin arak zoh peng tawn khi asi, Zei maw tak cu an karlak ah thil a um ko timi afiang ngai pin ah, zei maw tiah lungthin ah thil phan cuah mah lio mi a um timi zong thuh pheh khawh ding thil asi tlat lo, Sayamah le Student kum 14 te Bob le Ann Taylor karlak then khawh lo thir khenchih bantuk in afek mi cu zei tin dah asi lai??

Saturday vawi khat cu akal tawn bantuk in Bob-cu Tidil lei thiamthiam ah akal than khi asi, Cak-ai le Kaikuang hna tlaih ding in abuai ngai ngai ko, angki le tawhrawlh hna phoih dih in ti ah ava kal bak ah khin, anrat nak lei ah ava zoh ah hin ruah lopi in Ann-cu ava hmu thut khi asi, Bob-cu an ilawmtuk hringhran cu Ann-lei cu pan cawlh in, “Narak ra ve maw? Ka nuam ning cu aw!” tiah hmai pan tein, Ann-nih cun, “Khawi ka dah cak-ai le kaikuang hna cu, Ka hmu duh tuk ve cang ko e,” tiin arak ti ve.

#Karak peh than te lai,#