Mah vawlei minung kan si lo, vawlei minung hna cu zungzal nunnak angei lo ah cun atlau te lai, na dirhmun vun fiang ta u,

Galatia 2:20  Khrih sin ah khenh in kan um cang, Sihmanhselaw ka nung ko,  kei mah cu ka si tilo, Khrih cu kei mah ah anungtu khi asi, Cun atu ah titsa ah ka nung hi zumnak ah nung ka si-Pathian Fapa, aka dawt ruang ah kai mah ai awh in pum apetu zumnak ah cun, Titsa ah nung kasi rih ko hmanh ah kan nunnak taktak cu Khrih ah thup in a um ko cang khi asi, Mah vawlei taksa hi cu vawlei ah can sau lote long umnak ding ah pek kan si, kan thih ah cun vawlei taksa cu vawlei ah akirthan te lai, thlarau cu zungzal nunnak hmun Pathian sin ah akal te lai.

Pathian nih nunnak akan pek zumtu hna cu zungzal in zungzal tiang anung peng ko lai, Pathian nih akan pek zumnak zumlo tu cu zungzal in zungzal tiang hrem hmun ah akal ve cang lai, Pathian nih cun Khrih ah mivialte hna caah nunnak arak pek cang, kan minung hlun sual pu taksa cu cross ah Jesuh thihnak ah athi ve cang dakaw, Pathian Fapa nih arat hnawhnak chan cu tlamtling tein tuan dih asi cang, Diabola riantuannak vialte hrawh piak dih asi cang, kan sual man hmuh ding thihnak lak in chuah zalong in kan um dih cang dakaw,  mah caah cun Khrih riantuannak zumtu le anunpitu cu khamh in an um lai, azum lotu cu hremhmun hi an kalnak lam asi ve cang lai mu!

Adam ruang ah sual kan si dih timi kan pawm ve cang bantuk in, Jsuh ruang ah mi vialte khamh kan si cang timi azumtu le apawmtu cu mi vantha asi lai, apawm ve lotu cu mi vanchia asi ve ko lai, Khrih ah kan fel dih ko cang timi apawm bak lo mi caah cun an caah apawi ngai te lai cu mu, Sihmanhselaw U le Nau Khrih nih kan dih lak sual ai awh in zei zong vialte cu vawikhat in cross ah tlamtling te in akan thih piak dih cang timi hi zeiruang ah dah kan pawm/zum thiam tawn lo? Khrih nih aza bak in akan tuan dih piak cang timi kan pawm/zum lo ruang ah dakaw, kan tuah ve aher, kan kal ve aher, thlacam kan zuam aher, thawh lawm tampi kan pek aher, kan zuam ve aher kan tip eng chung ah cun, Khrih nih adih lak tein vawikhat ah tlamtling te in alim cang mi hi kan pawm/zum lo tinaktu khi asi apawi ngai.

Kei mah nih cun hiti hin ka chim lai, Khrihtu nih dihlak in rian akan lim piak cang mi nih cun thlacamnak tu ah akan hruia, zumnak tu ah akan hruia, peknak tu ah akan hruai, zuamnak tu ah akan hruai etc. mah cu Pathian bia kal ning asi, mi tampi hna nih cun Khrih nih vawikhat te ah adih lak in akan lim piak dih cang ko bu ah mah nih cun lam dik ah akan hruai lio ah, kan zuam aher,kantuah aher, kan zum aher kanrak tip eng mi hi cu, Pathian nih akan lim piak dih cang mi zum lo in, kan mah tha zang ibohchan in thil kan tuah mi asi, kan mah lei thil tuah mi ah cun Emotion/phurnak adih ah cun pum zong kan huam tilo, pek zong kan huam tilo, thlacam zong kan huam tilo khi asi tawn.

Khrih nih kan dih lak caah akan lim piak cang timi afiang mi pohpoh nun ning cu Khrih felnak cu ka felnak, Khrih thianghlimnak cu ka thianghlimnak asi tiah Khrih tel lo in zei hmanh kan si lo timi hi mah nun ah afiang tawn ko khi asi, cu caah cun kan mah lei zuamnak rumro hi cu dihnak cang, zuam lonak can a um, Khrih nunnak angei cang mi caah cun mah lei zuamnak si tilo in Khrih nunnak nih aduhnak lei si tilo in aduh lonak lei longlong ah ahruai ko cang, nan fiang maw?  Khrih hruai mi maw nasi, nangmah zuamnak in hruai maw nasi?  Khrih hrui mi nasi ah cun nangmah nawl tel bak lo in Khrih hruai ning in nan duh thimnak si lo in hruai ning in kar nan thlang ko cang lai, mah cu Khrih nih ahruai mi nunnak asi.

Zumtu kan timi hi midik si atim bal lo nain Khrihtu nih midik sinak lam ah ahruai tawn, mi fel si atim lo zong ah Khrihtu nih mi fel sinak lam ah ahruai tawn khi asi, Unau nan fiang maw? Pathian nih Bible ah bia achim mi hi chim duh mi kan fian lo ah cun let talam in kalpi hi afawi ngai ko dakaw, mah caah cu ralring taktak in Bible bia hi kan ruah cikcek aher dakaw, Kolossa 3:2-4 Cung lei ah thil umnak ah cun lungthin hngat bak ding, vawlei thil umnak ah cun ihngat hlah u, nan thi cang, nannunnak cu Pathian sin ah Khrih sin ah thup in a um ko cang, Khrih kan nunnak cu arak lar than can ah, nan nih zong amah sin ah ropi ngai in na lar/lang ve lai!

Cre: Moses pa